وزيرة التضامن الاجتماعي لـ" كل عروسة": مبادرة "فرحة مصر" عيلتك الثانية وسندك

وجهت الدكتورة مايا مرسي وزيرة التضامن الاجتماعي رسالة لكل عروسة بتجهز لفرحها، إن مبادرة "فرحة مصر" تحت رعاية الفاضلة السيدة انتصار السيسي حرم رئيس الجمهورية تعتبر عيلتك الثانية وسندك من غير غرم ولا دين ولا أقساط تهد الفرحة.

مبادرة فرحة مصر

وكتبت وزيرة التضامن الاجتماعي عبر صفحتها الرسمية على موقع التواصل الاجتماعي " فيس بوك": "لكل عروسة بتجهز لفرحها، إحنا في مبادرة "فرحة مصر" عيلتك التانية وسندك!  “ فرحة مصر “ مبادرة الفاضلة السيدة انتصار السيسي حرم السيد رئيس الجمهورية".

وتابعت: "لو شايلة هم التجهيزات، متخليش أي حاجة تطفي فرحتك بأجمل أيام حياتك، إحنا هنا عشان نشاركك الحلم ونكمل معاكي الفرحة خطوة بخطوة، متتردديش لحظة إنك تتواصلي معانا وتسجلي بياناتك (بكل سرية وخصوصية)؛ حقك تفرحي وتدخلي بيتك وأنتي مرتاحة البال ومبسوطة، وإحنا موجودين عشان نخلي الحلم ده حقيقة".

واختتمت: "من غير غرم ولا دين ولا أقساط تهد الفرحة، فرحة مصر جهاز وفرح وفرحة من القلب  لبنات الاسر الاولي بالرعاية، ادخلي على اللينك وسجلي: https://farhetmasr.csf.eg"