دان زوجة حسام حسن: أريد الخروج بالمعروف والعودة إلى حياتي وحماية أولادي

قالت دان، زوجة الكابتن حسام حسن، إنها ترغب في الخروج من حياتها الزوجية بالمعروف، مؤكدة أنها لا تسعى إلى أي تصعيد، وأنها حافظت طوال سنوات زواجها على العِشرة والأصول.

وأضافت: «أنا مش مطالبة غير إني أنا هخرج بالمعروف بس، أنا جبت حسام، جبت له المأذون»، خلال تسجيل خاص لـ “آخر النهار”.

وأوضحت أنها تحملت الكثير طوال 11 عامًا، قائلة: «أنا بعد بقى 11 سنة، أنا بقى استحملت سجون، استحملت حد السنة اللي فاتت، أنا عمري ما عملت فيه محضر، أنا عمري ما طلعت فضحته، وأنا لغاية حالًا صاينة العِشرة، لغاية حالًا صاينة الأصول».

وأكدت أن اهتمامها الأكبر ينصب على أولادها، مطالبة بالتفكير في مستقبلهم، وقالت: «لغاية حالًا أنا بقول: فكر في الولاد، فكر في الولاد، أنا عايزة أخرج بس، أنا عايزة أخرج».

وأشارت إلى أنها لا تشعر بأن الحياة الحالية تشبهها، موضحة: «الحياة دي مش شبهي، والناس دول برضه، أنا واحدة من طبقة متوسطة، مالهاش دعوة بكل ده».

وتابعت: «أنا عايزة أرجع تاني حياتي، أنا عايزة أرجع تاني لبنتي، كل الحاجات دي والأضواء وده مش عايزة حاجة من دي، عايزة أرجع تاني للناس».

وشددت دان على تمسكها بحماية أولادها، قائلة: «أنا مش هسمح لعيالي يتبهدلوا من بعدي، والموقف الأخير ده أنا كنت هروح فيه وعيالي، لو أنا رحت، مين هيحميهم؟ محدش حماهم، محدش حماهم، محدش حماهم يا جماعة».