الدكتور محمد حجازي: معامل التحاليل بتكون سبب تسريب البيانات

قالت الإعلامية ياسمين عز: « عايزة أقول لبتوع العقارات المشاهير مش بيشتروا بالتليفون أنت مترجت ناس غلط.. بيكون عندنا ناس مشتكرين لو عايزين نشتري هنشتري منهم».

وأضافت عز، خلال حلقة اليوم من برنامج «كلام الناس» المذاع عبر شاشة إم بي سي مصر: « هما بيفضلوا يتصلوا ويبعتوا على الواتساب وأنا عندي حلقة وبتكسف أعمل بلوك لبتوع العقارات».

وتابعت ياسمين عز: «العقارات عندها مليون منفذ للبيع والإعلان غير الاتصال والواتساب واستخدام بياناتي مش صح.. ونسبة الشراء بالطريقة دي 0%».

ومن جانبه قال الدكتور محمد حجازي الاستشاري ورئيس لجنة القوانين والتشريعات بوزارة الإتصالات سابقا، خلال استضافته في البرنامج: «الطريقة دي مخالفة والقانون بيجرمها تأثراللائحة التنفيذية للقانون أثر على معاقبة هؤلاء الأشخاص».

وتابع: «لازم بيانات المواطنين تكون بتصب في جهة حكومية مش جهة خاصة.. والجهات الخاصة أوقات كتير بتبيع البيانات»

وفي سياق سابق، قالت الإعلامية ياسمين عز: «في حادثة مرعبة في الشروق المتحرش اللي بيتحرش باستباحة وبينتهك حرمة جسدها.. الراجل ده لازم يتسجن وياخد اشغال شاقة وينضف حمام السيدات في السجن».

وأضافت عز، خلال حلقة اليوم من برنامج «كلام الناس» المذاع عبر شاشة إم بي سي مصر: «ياريت كنت أعرف اتكلم براحتي على الهوا بس الراجل ده لازم يتعاقب ويكون عبرة وياريت مفيش أي محامي يحاول يخرجه»

كما تطرقت للحديث عن جهود وزارة الداخلية بقيادة اللواء محمود توفيق، قائلة: «وزارة الداخلية شغالة بشكل مشرف وأنا كل يوم بعد بوستات وزارة الداخلية لحد ما أتعب من العد.. بيجيبوا الناس بنفس اللبس بيعملوا راكور للمتهمين والوضع أمان لدرجة في خناقات بتنتهي قبل ما تبدأ».

كما أشادت بالخدمات التي تطرحها وزراة العدل لتسهيل استخراج الأوراق الرسمية، قائلة: ««الشهر العقاري زمان كان بيضيع اليوم.. حاليا تقعد في مكانك ملك زمانك  الموظف بيجيلك لحد عندك بكل حاجة وكمان الخدمات متوفرة في الساحل الشمالي مش لسا هتجيب 70 مليون من البيت وترجع تشتري في الساحل يعني ميصحش».