مي عمر تحتفل بتكريمها في حفل موريكس دور : شكرًا لكل حد شاف موناليزا وحبها
احتفلت الفنانة مي عمر بتكريمها للمرة الثانية في حفل جوائز موركيس دور في لبنان، حيث حصلت على جائزة أفضل ممثلة مصرية عن دورها في مسلسل الست موناليزا، والذي نافست به في موسم دراما رمضان 2026.
وشاركت مي عمر عبر حسابها الرسمي على إنستجرام، عددًا من الصور خلال الحفل، وعلقت : "للمرة التانية موريكس دور، سعيدة وفخورة جدًا بحصولي على جائزة الموريكس دور كأفضل ممثلة مصرية عن مسلسل الست موناليزا، شكرًا لكل حد شاف المسلسل وحب موناليزا وصدقها، ودعمني بكلمة حلو، الجائزة دي ليكم قبل ما تكون ليا".
وتابعت : "وشكر كبير جدًا لـ MBC، وشكر خاص للأستاذ محمد عبدالمتعال، الأستاذ محمد مصطفى، الأستاذ حسن العسيري، الأستاذ طارق فهمي، والأستاذ محمد عبدالوهاب، أنتم شركاء النجاح الحقيقيين، والجايزة دي جايزتكم زي ما هي جايزتي".
وأضافت مي : "شكرًا على الثقة والدعم والإيمان بيا وبـ الست موناليزا من أول خطوة، وجودكم ورا العمل كان جزء كبير جدًا من نجاحه ووصوله بالشكل ده".
وأردفت مي عمر : "وطبعًا شكرًا لكل فريق عمل الست موناليزا، قدام الكاميرا ووراها، لكل حد تعب وحط جزء من قلبه ومجهوده في العمل ده، النجاح ده نجاحنا كلنا".
واختتمت مي : "أول موريكس دور كان حلم اتحقق، والتاني إحساسه مختلف، لأنه بيأكدلي إن كل تعب وكل حب بتحطه في شغلك، بيرجعلك في لحظة زي دي، شكرًا Murex D’Or على التقدير للمرة التانية، اتنين Murex D’Or ولسه الأحلام كتير".
يُذكر أن مسلسل الست موناليزا، شارك في بطولته بجانب مي عمر عددًا من النجوم، بينهم سوسن بدر، شيماء سيف، أحمد مجدي، وفاء عامر، محمد محمود، جوري بكر، إنجي المقدم، محمود عزب، وغيرهم، والمسلسل تأليف محمد سيد بشير وإخراج محمد علي.
