بسبب دخولها مجال الغناء.. هند عبدالحليم ترد على انتقادات الجمهور لها |فيديو
حرصت الفنانة هند عبدالحليم عن أن تخرج لتوضح موقفها من انتقادات الجمهور لها بعد أن دخلت مجال الغناء، وأصدرت العديد من الأغاني خلال الأيام الماضية، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
هند عبدالحليم ترد على انتقادات الجمهور لها
حيث قالت هند عبدالحليم موضحة: “أنا فكرت شوية حلوين قبل ما أطلع أتكلم معاكم، بس في نقط محتاجة أقولكم عليها، أنا بقيت بعمل أغاني ولسه منزلة أغنية جديدة، أنا عارفة أن أنتوا عرفتوني كممثلة، بس أنا مقررتش أغني فجأة عشان أنا زهقانة مثلا، أو عايزة أبقى تريند أو عايزة أوصل لأي حاجة من الحاجات دي، أنا بعمل ده عشان أنا بحبه، وبحبه من ساعة ما بقيت على وش الدنيا وبقيت أعرف يعني أيه غنا، دي حاجة موجودة معايا من أول يوم ليا في الدنيا، أنا عارفة أن في ناس كتير مستغربين، مافيش ليه دي حاجة أنا بحبها وبعرف أعملها، حتى لو في ناس مش متفقة معايا وشايفين أني مش بعرف أغني دي وجهة نظرهم وتحترم، بس أنا بحبها وبعرف أعملها من زمان جدًا”.
سبب تأخر هند عبدالحليم في خطوة الغناء
واستكملت هند عبدالحليم حديثها موضحة سبب تأخرها في اتخاذ خطوة الغناء، حيث قالت: “خطوة اتأخرت أوي لأني بخاف، مكنش عندي الشجاعة وده مش صح، أغنية ازاي كده أنا بحبها أوي وبحسها بنتي، أنا بكتب وألحن من وأنا صغيرة جدًا بس بردو مكنش عندي الشجاعة أني أطلع ده للنور، هتحسوا أن اللحن قديم أو مشهور لكن ده عشان أنا اتربيت على أغاني البوب وسميرة سعيد ومحمد فؤاد وهشام عباس ومصطفى قمر، أنا اتأثرت بأغانيهم واتربيت عليها”.
سر إزالة هند عبدالحليم للحسنة
في سياق منفصل، قد كشفت الفنانة هند عبدالحليم عن السر خلف إزالتها للحسنة التي اشتهرت بها منذ دخولها الوسط الفني، وذلك في إحدى اللقاءات التليفزيونية.
حيث قالت هند عبدالحليم في حديثها: “شيلت الحسنة لأنها كانت كبرت جدًا وولدت وبدأت تعمل عيلة في وشي، فالدكتور قالي أحنا مضطرين نشيلها، وكنت بحبها جدًا في الأول”.
