عمر كمال عن محمود الليثي : أبويا اللي رباني مهما الناس حاولت تبوظ اللي بينا

وجه مغني المهرجانات عمر كمال رسالة حب إلى المطرب الشعبي محمود الليثي، نافيًا وجود أية خلافات بينهما، ومؤكدًا على عمق العلاقة بينهما منذ بداية مسيرته الفنية.

وشارك عمر كمال عبر حسابه الشخصي على فيسبوك صورته مع محمود الليثي، وكتب : "ده أبويا اللي رباني، ومحدش يعرفني أكتر من اللي رباني، ده اللى نزلت القاهرة عيل صغير تايه في المجال بين حيتان الشغلانة، وقف جنبي وأداني زقة و2 و10، ولما كبرت في الشغلانة وقولتله وقفني جنبك أغني معاك، قالي تعالى جنبي وأداني من جمهوره وشهرته ونجاحه".

وواصل كمال : "مهما يحصل ومهما يعمل لا عمري أزعل منه ولا عمري أشيل جوايا ذرة زعل في قلبي ناحيته، ومهما ناس قالت وحاولت تبوظ وتعكر اللي بينا، هو عارف ابنه وعارف عمر كمال من جواه عامل إزاي، ده حبه جوايا زي حبي لأمي، حاجة ربانية مهما يحصل هفضل أعشقه".

وسبق وروج عمر كمال لتعاونه مع محمود الليثي، حيث نشر فيديو جمعهما، عبر حسابه الرسمي على إنستجرام، كاشفًا عن تعاونهما في عدد من الأغاني الجديدة.

وقال الليثي خلال الفيديو : "يا جماعة انتوا عارفين طبعًا إن ده روحي، ورب الكعبة ورحمة أمي عاملين قنابل، حبيبي يا عمورة”، فيما علق عمر : “قريبا أغاني كتيرة جديدة مع عشقي محمود الليثي”.