بسبب الإفيهات الغير لائقة.. هاني عادل يطلب من رقابة المصنفات الانتباه
خرج المطرب هاني عادل عن صمته ليطلب من رقابة المصنفات الانتباه جيدًا إلي ما يُقدم في الأعمال الأجنبية خاصة الكوميدية، لما تحتوي عليه من إيفيهات غير لائقة، ولم ينوهوا عن ذلك بحظر سن معين، وذلك من خلال منشور عبر حسابه الرسمي على موقع التواصل الإجتماعي فيسبوك.
طلب هاني عادل من رقابة المصنفات
وعلق هاني عادل قائلًا: "أرجو من الرقابة علي المصنفات يخلوا بالهم من الافيهات اللي بتتقال في المسلسلات والأفلام بالانجليزي أو بلغة تانية وطبعا معظمها في أفلام ومسلسلات كوميدي أنا مع حرية التعبير قلبا وقالبا، لكن الأفلام الكوميدي بالذات أطفال كتير بيدخلوها او بيتفرجوا عليها في البيت والسينمات ومفيش عليها تصنيفات عمرية ورجاء من الزملاء الافاضل يبقي مخلي باله برضه لان فيه افيهات بجد مش ذكية وملهاش أي سياق بتتقال في المطلق وبينسي أن الفيلم مش معمول عليه حظر لسن معين".
هاني عادل يستغرب بسبب تعليقات على أغنية قديمة
في سياق آخر، قد كشف المطرب هاني عادل عن شئ غريب في التعليقات على أغنية قديمة له على موقع الفيديوهات الشهير يوتيوب، وذلك من خلال منشور عبر حسابه الرسمي على موقع التواصل الإجتماعي فيسبوك.
وعلق هاني عادل قائلًا: “ملاحظة غريبة جدا في أغنية عندي علي يوتيوب كل الكومنتات بتاعتها ناس كانوا بيحبوا بعض سايبين بعض وافترقوا وباعتين رسايل لبعض في الكومنتات كتير أوي ومعظمها رسايل لناس هم بيتمنوا أن ناس معينة كانت في حياتهم يدخلوا علي الأغنية ويشوفوا الكومنتات أنا افتكرت الموضوع عادي يمكن بس الموضوع بقي زيادة أوي فمش عارف هل هي رسائل حقيقية ولا ده ايه بس اتمني لو هي حاجة حقيقية أن رسايلهم توصل، معظم الكومنتات ديه علي أغنية هحكي عنك اللي عندي علي يوتيوب، ملحوظة: أنا مش بعمل دعاية الأغنية الأغنية قديمة أصلا أنا بس الظاهرة استوقفتني جدا”.
