بعد هروبه من بعثة المصارعة.. زياد حجاج : سامحوني ومش راجع مصر إلا وأنا مشرفها

وجه زياد حجاج، لاعب منتخب مصر للمصارعة، رسالة عبر حسابه على موقع التواصل الاجتماعي «فيسبوك»، عقب مغادرته بعثة المنتخب وعدم عودته إلى مصر، مؤكدًا أنه اتخذ قراره تحت ضغوط كبيرة مر بها خلال الفترة الماضية.

 وقال زياد حجاج في رسالته: بقول لأبويا وأمي متزعلوش مني.. أنا عملت كده عشان أبقى في نظر نفسي راجل». وأضاف: «مش راجع مصر بلدي الحبيبة إلا وأنا مشرفها.. سامحوني، أنا تعبت كتير وأبويا تعب معايا وكلفته كتير».

 وتابع: «سفروني لوحدي من المطار ومحدش معايا، ومكنش في دماغي حاجة. لعبت البطولة وأنا مصاب عشان أحقق حلمي، وكل اللي باخده في الشهر 700 جنيه وأنا لاعب دولي». 

وأكمل لاعب المصارعة: «بعد كل الضغوط مكنش ينفع أرجع تاني». 

واختتم زياد حجاج رسالته قائلًا: «أنا اتولدت مصارع وهعيش مصارع، ورفعت علم مصر.. سامحوني».