أسما شريف منير تنعي ياسمين أبو النجا بمواقف ورسالة مؤثرة
حرصت أسما شريف منير على نعي ياسمين سيف أبو النجا ، بمواقف جمعتهما سويا خلال السنوات الماضية، مشيرة إلى أنها كانت تتمتع بصفات طيبة وحسن أخلاق عالية.
وكتبت أسما شريف منير عبر حسابها على انستجرام : أنا اتعرفت على ياسمين سنة 2004، لأنها بنت خالة أبو بنتي ، حضرت فرحها، وحضرت ولادتها، وشفتها في مراحل وحاجات كتير أوي في حياتها ،سافرنا و عشنا مواقف كتير مع بعض وأي حد في الدنيا قابل ياسمين، حتى لو مرة واحدة، عارف إنها كانت من أنضف وأطيب القلوب اللي ممكن تقابلها ، بنت محترمة وجميلة وطيبة، عينها على أهلها وعلى الناس الكبيرة في عيلتها، بني آدمة مؤدبة وفنانة، عمرها ما أزعجت حد بأي شيء، ولا ضايقت حد في الدنيا.
وأضافت : طول عمرها بتضحكنا من كتر طيبتها وسذاجتها و الطيبة اللي جواها، وكأنها طفلة عمرها ما كبرت ، سبحان اللّٰه إن يوم ما تيجي تتوفى، تتوفى بأزمة قلبية لأن قلبها بجد كان من كتر ما هو طيب كان ضعيف ، ياسمين شافت كتير، وشالت كتير، وعمرها ما اشتكت وعمرها ما اتغيرت، ولا قلبها اتغير طول حياتها بتسأل عليا، وبتطمن على كل الناس اللي حواليها.
واختتمت : أنا مش قادرة أصدق إن ده حصل خصوصًا إني لسه من كام يوم كنت بتكلم معاها وأكيد الصدمة على أبو بنتي كبيرة جدًا، لأنها طول حياته كانت بالنسبة له من أهم وآقرب الناس ليه ، ربنا يا رب يرحمها ويغفر لها، ويسكنها فسيح جناته، ويصبّر قلب أهلها وكل اللي بيحبوها ربنا يجعل كل طيبتها وكل الخير اللي كان في قلبها في ميزان حسناتها ،أرجوكم ادعوا لها .
من هي ياسمين سيف أبو النجا ؟
- الابنة الوحيدة للفنانة نجلاء فتحي .
- انفصلا والديها بعد زواج دام لخمس سنوات.
- حافظت على العلاقة الطيبة بين والديها بعد انفصالهما.
- تزوجت من المخرج خضر محمد خضر ولكن تم الانفصال بعد عدة سنوات.
- لديها ابنة من طليقها المخرج خضر محمد.
- اختارت أن تعيش حياتها بعيد عن الوسط الفني.
- ظهرت برفقة طليقها المخرج خضر محمد في مهرجان الجونة 2020.
