لقاء سويدان: لعنة الله على التريند.. ولا أفضل مفهوم الأعلى أجرا

علقت الإعلامية والفنانة لقاء سويدان على جدل الأكثر مشاهدة والأعلى أجرا، التي انتشرت خلال الفترة الماضية، قائلا: «لعنة الله على التريند.. أنا طول الوقت بقول كده حتى في برنامجي أنا مش فاهمة إيه التريند اللي بيقود المشهد ده».

وأضافت سويدان، خلال استضافتها في برنامج «ملكة التريندات» مع الإعلامية سارة مكي، المذاع عبر نيوز رووم: «هو بجد إيه مشكلة كلنا ننجح؟ ليه لازم الأعلى مشاهدة والأعلى أجرا يعني مينفعش كلنا ننجح».

وأوضحت أن هذا المفهوم لم يكن مطروح قديما، مضيفة: «أيام الأستاذ أحمد زكي ومحمود ياسمين ويحيى الفخراني وعادل إمام ونور الشريف مكانش في مفهوم الأعلى أجرا والأعلى مشاهدة ده.. أه كان في جمهور بيفضل شخص عن شخص لكن ده مش مقياس لفشل شخص أو نجاح حد لأن الكل كان بيحب السينما».

وخلال الحلقة، أكدت لقاء سويدان على دعمها لحق الأداء العلني، قائلة: «حق الأداء العلني موجود من زمان والقانون من 2002 وإحنا بنتكلم فيه بقالنا فترة وأنا حضرت أكثر من اجتماع لتطبيقه، هو موجود  لكن مش مطبق على الممثلين بالرغم من أهميته لأن المعنيين مكانش عندهم نية صادقة لتطبيقه».

في فنانيين اتطحنوا في الأجور

وأضافت سويدان، : «الناس واخده فكرة غير حقيقية مش كل الفنانيين عندها الكم ده من الفلوس في فنانيين اتطحنوا في الأجور».

وتابعت: «أنا مثلا اشتغلت مع عادل إمام ولا أخدت نص أجره ولا حتى عشر أجره مش كل الناس بتاخد أجور كبيرة في فنانيين ماتوا على الرصيف»، كما تحدثت عن حالتها الصحية بعد إصابتها بمرض العصب السابق، مؤكدة أنها تحسن كثيرا.

العصب السابع

وتابعت لقاء سويدان: «مخفتش 100% من العصب السابع لكني أحسن.. وبطلت أخد كل حاجة على أعصابي وبقيت شخصية هادئة لأن مفيش حاجة تستاهل ولا أي حد يتساهل نتعب ونتعصب».