شوبير: ليه البعض عاوز يشيطن مصطفى؟.. والتفاوض مع الأهلي على التجديد سنتين

تحدث أحمد شوبير عن موقف نجله مصطفى شوبير، حارس مرمى الأهلي، من تجديد عقده مع النادي وما يتردد عن إصراره على التجديد لمدة موسم واحد.

وقال شوبير: فيه حملة شيطنة على مصطفى شوبير، ومعرفش هي داخلية ولا خارجية، لكن هعتبرها خارجية وهفترض حسن النوايا.

وأضاف: الناس اللي بتقول إن مصطفى مصمم يجدد سنة واحدة، الكلام ده محصلش. التفاوض على التجديد سنتين ولسه في عقده سنة، يعني 3 سنين مع الأهلي.

وتابع: وحد يقولك هيجدد سنة علشان يضحك على الأهلي ويمشي.. يا راجل، ده بيلعب بقاله 4 سنين وعقده بـ2 أو 3 مليون جنيه، والفلوس دي اتخصم منها حوالي 30% عقوبات، وعمره ما نطق بكلمة ولا عمل مشكلة.

واختتم شوبير حديثه قائلًا: ليه البعض عاوز يشيطن مصطفى؟.