«هتاخد بالجزمة».. تامر عبد المنعم يفتح النار على محمد ناصر
شن الفنان تامر عبد المنعم هجوما حادا على الهارب محمد ناصر، متهما إياه بمهاجمة الدولة المصرية، موجها انتقادات لاذعة على الفضائح والتسريبات التي ظهرت خلال الفترة الأخيرة.
إرهاب وخيانة للبلد
وقال تامر عبد المنعم، خلال تقديم برنامجه «البصمة»، المذاع على قناة الشمس: «إلى التعاسة والقرف، في ناس خاينة للأسف مش بتحب إن البلد دي تكون كويسة أو يقوم لها قومة، ولا عمرها هتحب البلد دي، ما هو اللي خان واللي برر الدم واللي حلل الحرام في يوم من الأيام مستحيل يكون مصري أو يعرف شيئا عن المصريين».
وأضاف متحدثا عن محمد ناصر: «اليومين دول الهارب الإخواني محمد ناصر الشهير بكناريا بيعيش حالة من الهوبلس كيس، الفضائح بتاعته بقت بتقع فضيحة ورا الثانية، وبالفيديو وبالصوت والصورة».
تامر عبد المنعم ينتقد محمد ناصر
وتابع تامر عبد المنعم: «الواحد قال بعد التسريبات الجنسية بتاعته وهو في سنه ده، وبيعمل تسريبات جنسية، وموقف مراته منه، يتهد بقى ويتلم، لكن اللي فيه ده يا جماعة مش بيبطل أبدا».
«اصرف على أي حاجة تحاول هدم الدولة»
وقال تامر عبد المنعم: «معروف محمد ناصر معاهم في الكيان، إيه بقى الكيان ده وقصته؟ كيان على طريقة الإخوان، تبرعات، الفلوس على جنب، اصرف على القناة دي، اصرف على البرنامج ده، اصرف على أي حاجة تهاجم أو تحاول هدم الدولة المصرية».
ووصف الأمر بأنه «شيء حقيقي مقزز»، متسائلا عن أسباب مهاجمة محمد ناصر للدولة المصرية، قائلا: «لو سألنا نفسنا سؤال واحد فقط، هو ليه بيعمل كده؟ طب هو ليه أي حد ضد مصر هو بينفخ فيه؟ وليه أي حد من اللي بيدافعوا عن مصر أو بيدافعوا عن النظام المصري بيلقى هذا الوابل من الاتهامات ومن الإساءات ومن قلة الأدب؟».
«الناس هتديك بالجزمة»
وأضاف تامر عبد المنعم مدافعا عن الدولة المصرية: «والحقيقة هو يعني أنا بدافع عن بلد، يا محمد، بلد إنت ما تعرفش دلوقتي تمشي فيها، هتوه في وسط الكباري وفي وسط الطرق وفي وسط الحاجات، لأنك بقالك كتير برا».
وتابع موجها حديثه إلى محمد ناصر: «بعدين إنت لو مشيت وعرفت تمشي، هتفاجئ بظاهرة غريبة جدا، والله الناس هتديك بالجزمةكا ما تمشي في الشارع صدقني».
