«علينا شيكات بـ3 مليون جنيه».. حريق يدمر حلم 3 شباب في البحيرة

كشف شباب من أصحاب مشروع تجاري بمحافظة البحيرة، حجم الخسائر التي تعرضوا لها بعد احتراق مشروعهم، مؤكدين أن الحريق دمر محتويات المكان بالكامل بعد نحو 20 يوما فقط من افتتاحه.

افتتحنا المحل من 20 يوم بس

قال أحد أصحاب المشروع خلال لايف عبر موقع «نيوز روم»، إنهم افتتحوا المكان منذ نحو 20 يوما، بعد شهرين من أعمال التجهيز، موضحا أن المشروع كان يضم أقسام التحف والأنتيكات والشجر والشنط والبراديل والسليبر والكوتشيات.

وأضاف: «إحنا خسرنا كتير في المكان دوت، وإحنا تعبنا أصلا فيه، وكل حاجة زي ما إنتي شايفة بقت رماد».

وأوضح أن أصحاب المشروع هم من تولوا أعمال التجهيز بأنفسهم دون الاستعانة بعمال، قائلا: «كل حاجة إحنا اللي عاملينها بإيدينا».

عالم الكوتشيات والأنتيكات مشروع على مساحة 200 متر

وقال أحد الشركاء إن المشروع كان يحمل اسم «عالم الكوتشيات والأنتيكات»، ومقام على مساحة 200 متر، مشيرا إلى أنهم بذلوا جهدا كبيرا في تجهيزه وتقسيمه إلى أقسام مختلفة.

وأضاف: «بدأت من الصفر، عندي فرشة في النفق في نفق كفر الدوار، وما زالت عندي الفرشة لحد دلوقتي، فبدأت من هنا وطورت من نفسي».

وتابع أن المشروع ضم أقسام التحف والأنتيكات والشجر والشنط وشنط المدارس والبراديل والسليبر والكوتشيات.

علينا شيكات بـ3 مليون والمكان تكلف 5 ملايين

وكشف أحد أصحاب المشروع عن حجم الالتزامات المالية التي يواجهونها بعد الحريق، قائلا: «إحنا علينا شيكات بـ3 مليون جنيه، مابالك المكان كله يعني المكان كله متكلف 5 مليون جنيه».

وأضاف: «مش عارفين هنعمل إيه، اللي إحنا فيه دوت خراب من كل حاجة»، موضحا أن الخسائر لا تتوقف عند تكلفة المكان، وإنما تشمل أيضا الالتزامات المالية تجاه أصحاب الشيكات.

وتابع: «الناس هتصبر يوم اتنين شهر شهرين أكيد هتاخد فلوسها، هنجيبها منين؟».

أي حد ليه جنيه هياخده

وأكد أحد الشباب أنهم ملتزمون بسداد جميع المستحقات، قائلا: «أي حد ليه جنيه هياخده على داير مليم، بس إحنا نقف على رجلينا».

وأضاف: «إحنا مش مستنيين جنيه من حد، الحمد لله إن إحنا رجالة وإن إحنا هنبقى أقوى بإذن الله».

وأوضح أصحاب المشروع أنهم لا يطلبون دعما ماديا من المواطنين، وإنما يطالبون بالدعم النفسي ومساندتهم في أزمتهم.

وقال أحدهم: «إحنا بس اللي طالبينه من الناس الدعم النفسي، مش الدعم المادي»، مضيفا: «عايزين صوتنا يوصل».

الحريق دمر كل شيء

وأظهرت الجولة داخل المكان حجم الدمار الذي لحق بمحتوياته، حيث تحولت الكوتشيات والشنط والنجف والتحف والأدوات إلى بقايا متفحمة.

وقال أحد أصحاب المشروع: «الحديد ذات نفسه اللي كان راكب في الحيطة الحديد اتصهر من مكانه».

واختتم أصحاب المشروع حديثهم بالتأكيد على تمسكهم بإعادة افتتاح مشروعهم، قائلين: «بدعواتهم إن شاء الله هنبقى أحسن من الأول، وهنفتح بدل الفرع اتنين وتلاتة بإذن الله».