من فندق بإسكندرية.. بدرية طلبة: "كنت بتمنى أبقى زي نجوم الفن جوة الفندق ده"
أعربت الفنانة بدرية طلبة عن سعادتها الكبيرة بعدما حققت حلمها بتواجدها داخل فندق كبير في إسكندرية، وذلك من خلال منشور عبر حسابها الرسمي على موقع التواصل الإجتماعي فيسبوك.
بدرية طلبة تحقق حلمها من داخل فندق بالإسكندرية
حيث قالت بدرية طلبة في منشورها: "في أسكندرية المنتزه جواها فندق كنت بقف قدامه من بعيد أتفرج علي نجوم الزمن الجميل نازلين فيه وبيصورو حواليه مسلسلات وأفلام بنشوفها لحد دلوقتى كنت صغيرة وأصحابي معايا واقفين نتفرج وأقول نفسي أدخل الفندق وأكون زيهم وأتخيل نفسي معاهم، ويشاءالله أنى أحقق حلمي وأنهاردة نازلة في فندق فلسطين في ضيافة الأدارة نفسها صحيح بقي اسمه ريكسوس وأنا كبرت، ودا الطبيعي مفيش حاجة بتفضل علي حالها كله بيتغير بس الاساس والأصل باقي المهم أتمسك بحلمك مش مهم يتحقق أمتي الشطارة أنك تتعب وتجتهد وتحققه أوعي حاجة تعطلك".
موقف بدرية طلبة من اعتزال التمثيل
وفي سياق آخر، قد كشفت الفنانة بدرية طلبة، عن موقف لها مع إحدى معجباتها طالبتها بالعودة للفن، عبر حسابها الرسمي على موقع التواصل الاجتماعي "فيسبوك".
وكتبت بدرية طلبة، قائلة: "قابلت ست طيبه سلمت عليا وبتدعي لي بتقولي يارب ترجعي شغلك!، أنا لاسيبت شغلي ولا أترفدت من شغلي ولا اعتزلت شغلي".
وتابعت بدرية طلبة، قائلة: "لسه بفضل الله مخلصة تصوير فيلم الحافي إخراج مازن الجبلي بطولة إلهام شاهين، حبيت بس أصلح المعلومة لو حد فاهم غلط".
واختتمت بدرية طلبة، قائلة: "أنا زي مانا ومستمرة وفي كل خطوة بقابل حب من الناس حب كبير جدًا ولله الحمد لإن اللي كاتبه ربنا ميعرفش عبد يغيره".
