هل خلعت الحجاب لجلب المال؟.. فريدة سيف النصر تفجر مفاجأة

تحدثت الفنانة فريدة سيف النصر عن الحجاب وسر خلعها له، وذلك خلال استضافتها في برنامج «صبايا الخير» المذاع عبر شاشة النهار، حيث وجهت لها الإعلامية ريهام سعيد سؤالا: «قلعتي الحجاب علشان تجيبي فلوس؟».

وأجابت الفنانة فريدة سيف النصر، قائلة: «لما عملت بزنس واتنصب عليا مكانش في حاجة اشتغلها غير التمثيل ورجعت لشغلانتي الأصلية».

كما نفت فريدة سيف النصر، خلال الحلقة، أنها صرحت بأنها لا يجب تغطية الشعر بعد سن الستين، وصححت ما قالته، بأنها أخطأت عندما اتخذت قرار خلع الحجاب لأن شكلها كان سببًا في شعورها بعدم مناسبة الظهور بدون حجاب.

وتابعت فريدة سيف النصر: «أنا ربنا مديني وهج زي ما بيقولوا أو حضور على الشاشة ..  وأنا قولت إن في قواعد يعني ففي ناس ينفع تظهر على الشاشة بدون حجاب وناس لأ، أنا علشان الوهج ده مكانش ينفع، لكن في ناس ممكن تقعد من غير حجاب على الشاشة لو شكلك مكعكع». 

وعن فكرة عملها كراقصة، قالت: «لو أهلي كانوا وافقوا كنت هطلع راقصة.. كان زمان الحال غير الحال والزهر يلعب.. أنا كان نفسي أطلع راقصة استعراضية جدا، لدرجة إني كنت بقبل أدوار معينة علشان أعمل رقص وغناء واستعراض».

وفي سياق سابق، خرجت الفنانة فريدة سيف النصر عن صمتها لتهاجم أحد الأشخاص في الوسط الفني، خاصة بعدما قررت ألا تصمت عن حقها مجددًا، وذلك من خلال منشور عبر حسابها الرسمي على موقع التواصل الإجتماعي فيسبوك.

فريدة سيف النصر تهاجم شخص في الوسط الفني 

حيث قالت فريدة سيف النصر في منشورها: “لحد أمتي هاسكت علي حقي دي مش طيبة دي خيبة، واقول معلش لكن الساكت عن الحق شيطان اخرس، واللي راح من العمر مش قد اللي جاي لنا كلنا، تعبت بلاش جليطة بقي وقلة ذوق طيب استأذن يا أخي، اشتريها خد اللي يعجبك وارمي الباقي، اعوذ بالله من جشع وطمع القلوب، قررت اتكلم لأن عيب ابعت لك الرد يكون وحشتيني ياحبيبتي، أنا لا حبيبة حد ولا واحشة حد اصلا ماتقابلناش واصلا يا نجومية انت المتصل، خلصنا بقي العوض علي الله وبرضه مش هاسكت، ولو سبت المجال اللي اتعدي بشوية مرضي نفسيين وصوليين وهي مش بالدراع علي فكرة، ولو دامت لك ماكانت لغيرك، عيب..”