عبد الناصر زيدان: لو عايز أحبس رامز جلال في دبي كنت عملتها
أكد الإعلامي عبدالناصر زيدان، أنه عندما ظهر مع الفنان رامز جلال في برامج المقالب، كان على علم أنه مقلب، قائلا: «أنا كنت عارف إن برنامج رامز جلال مقلب.. أنا ظهرت معاه مرة في 2018 ومرة من سنتين ولو كلمني تاني هروح عادي».
وأضاف، عبدالناصر زيدان، خلال استضافته في برنامج «ملكة التيرندات» مع الإعلامية سارة مكي، المذاع عبر نيوز رووم: «أنا لما روحت من سنتين كان هو طالع بنفسه يعني مش متخفي.. ووقتها حصلي إصابة في كتفي لحد النهاردة موجودة ومراحتي».
وواصل: «لما حصلي إصابة طلبت زيادة الفلوس وهما وافقوا على أساس إني لما أنزل مصر هتعالج لكن لما نزلت سابوني.. ورفعت قضية علشان أخد تعويض مليون دولار لكن بعدها حد كلمني وسحبت القضية»
وأردف: «لو كلمني تاني هروح والناس اللي بتقول أنتم بتتبهدلوا علشان الفلوس أنتم مال أبوكم؟.. أنتم ناس بتنظر وخلاص.. مهو الممثل ممكن يجيله فيلم فيه مشاهد أكشن هو بيقرأ السيناريو وبيوافق.. وبعدين وجودي عند رامز جزء من شهرتي».
وخلال الحلقة، وجهت الإعلامية سارة مكي سؤالا للإعلامي عبد الناصر زيدان، حول رأية في ظهور زوجات وأقارب لاعبي المنتخب المصري أثناء كأس العالم المثير للجدل على السوشيال ميديا.
وأجاب، زيدان: «مرفوض، مينفعش أدي لمراتي توكيل تتكلم عني ولا تطلع على تيك توك أنا ممكن أطلقها على طول معنديش تفاهم».
وأضاف: «كل واحد يلم مراته أنا ضد إن «المره» تتكلم أصلا ولا على تيك توك ولا فيسبوك ولا غيره».
وتابع: «لما تطلع وتتكلم مش هتخليني كبير ولا زفت.. وبعدين إحنا اتربينا إن البيت المستقر لازم الكلام ميخرجش بره.. وربنا لما بينعم على الراجل بينعم عليه بأسرة وزوجة متفهمه شغله وبتحترمه».
وكشف عبدالناصر زيدان، عن السبب الرئيسي وراء ارتداء الجلابية الفلاحي خلال تقديمه برنامج «حلوة بلادي»، قائلا: «الفكرة الرئيسية كانت فكرة الدكتور وليد دعبس ومن ضمن فورمات البرنامج، وكان المقصود بيها الاختلاف».
وأضاف: «حتى الذقن كان مقصود بيها إني اكون مختلف تماما عن التقديم الرياضي والناس تنسى غني كنت بقدم برامج رياضية».
