«عارف إن الكلام هايؤخذ عليا».. أسامة منير: الوضع في مصر أصبح صعب

علق الإعلامي أسامة منير على الأوضاع الحالية وغلاء الأسعار، قائلا: «عارف أن الكلام ده هايؤخذ عليا لكنة واقع الحياة فى مصر أصبحت قاسية جدا على كل الناس والوضع بهدلة والواحد مش قادر».

الإمكانيات المادية أصبحت أقل

وأضاف، خلال مقطع فيديو على مواقع التواصل الاجتماعي: «الإمكانيات المادية أصبحت أقل والحاجة غليت جدا  التجار بقوا في منتهى الجشع، اللي كان بيكسب عادي بقا يكسب 3 و4 اضعاف ومطلبات المواطن بتزيد كل يوم».

كل يوم بنشوف حاجات تشل وأسعار مستفزة

وواصل منير: «إحنا كل يوم بنشوف حاجات تشل وفلل بأسعار مستفزة، يعني إيه فرصة متتعوضش للشباب فيلا بـ 22 مليون!.. طب لو عندي 4 عيال عايزلهم 88 مليون علشان يتجوزوا».

نهدى على نفسنا علشان نقدر نكمل حياتنا

وأردف أسامة منير: «الدنيا نار والبني أدم بيعافر علشان يكفي بيته ويكمل الواحد بيروح الشغل تعبان من الطريق والحر وواحد يكسر عليه ولا صعوبة المواصلات وبيرجع متوفي اصلا.. لازم نهدى على نفسنا علشان نقدر نكمل حياتنا».

وفي سياق متصل، خطف الإعلامي أسامة منير الأضواء بظهوره مع مغني الراب تووليت، في برومو فيديو كليب «صديق البرنامج»، الذي طرحه تووليت أول أمس السبت.

أسامة منير يكشف كواليس تعاونه مع تووليت

وقال أسامة منير في تصريحات خاصة لموقع نيوز رووم : «تووليت عرض علي فكرة الظهور في كليب صديق البرنامج من خلال الشركة المنتجة له، وجلست معه للاتفاق على الاسكريبت وتفاصيل ظهوري».

وواصل : «كنت سعيد أن تووليت من جمهور برنامجي أنا والنجوم وهواك، كما أنني استمعت إلى عدد من أغانيه خاصة الألبوم الأخير ونالت إعجابي، ورأيت أنه يجيد مخاطبة جيله وبيعرف يوصل للشباب».

معنديش مشكلة أقدم دويتو مع تووليت

وعن التعاون مجددا مع تووليت في دويتو، اختتم أسامة منير : «معنديش مشكلة أقدم معاه ديوتو لو هو موافق، أو لو يغني من كلماتي، وبالفعل استمع إلى عدد من أشعاري عندما كنا سويا ونالت إعجابه».

وكان قد روج تووليت لأغنيته الجديدة «صديق البرنامج»، التي ظهر خلال أسامة منير، وعلق : «صديق البرنامج قريبا بالأسواق».