عفاف مصطفى ترد على فيديو حق الرد لـ مدحت تيخا: "مين هيصدقك؟"
حرصت الفنانة عفاف مصطفى على أن ترد على فيديو حق الرد للفنان مدحت تيخا بعد أزمته مع المنتج عوض ماهر، وذلك من خلال منشور عبر حسابه الرسمي على موقع التواصل الإجتماعي فيسبوك.
عفاف مصطفى ترد على فيديو مدحت تيخا
حيث قالت عفاف مصطفى: “عامل فيديو بتقول حق الرد، بتستغل عطف الناس بالسهوكة وتعيط لهم وداخلهم من سكة الكلام الديني اللي بتستخبي وراه وكمان تقول الاستاذ المنتج شتمك لما طالبته بحقك ؟؟ انهي عقل هايصدقك، الناس عندها وعي وعقل بيحكم ويقيم المواقف، بتسجن الراجل المحترم اللي فضله عليك وتكسر الأيادي البيضاء الكريمة اللي إتمدت لك طول الوقت وليك سابقتين في منتج محترم غير ده ودخلت عنده علي صفحته وهددته بقضايا عشان برضه دفعة اخيرة لسه ما حصلتش عليها، الناس دي ساعدتك ودعمتك وفتحت لك باب رزق بتمناه زملاءك كتير مش عارفين يشتغلو ولا يحصلوا ولو مشهد واحد من الفرص اللي حصلت عليها وبأجور كبيرة لا يحلم بها أحد وكنت بتاخد حقوقك المادية علي داير مليم، وعشان دفعة اخيرة لسه ما حصلتش عليها تسجن الراجل، ولا الناس اللي مش فاهمة الموضوع وعندهم عذرهم داخلة عندك تشتم في الراجل المحترم وفيا وأنت منشكح ومبسوط عشان عمرك ما شفت الريتش ده في حياتك فا متكييف من تطاول الناس علينا، الناس طيبة مش عارفاك علي حقيقتك و صعبت عليهم بحركاتك وتمثيل البراءة والورع والدين والظلم فا دخلت تواسيك وتشد علي يدك وهي مش ملمة بالقصة ولا تعلم ظلمك وسجنك للراجل الفاضل، غور يا عديم الإنسانية والرحمة والضمير”.
أشرف زكي يتدخل
وقد علم نيوز رووم من مصادره الخاصة أن الدكتور أشرف زكي نقيب المهن التمثيلية بدأ في التدخل لحل أزمة الفنانة عفاف مصطفى والفنان مدحت تيخا وطلب منها مسح المنشور التي قامت بمهاجمة وانتقاد تيخا فيه بسبب أزمة المستحقات المتأخرة لدى المنتج عوض ماهر .
