الإعلامي مصطفى بكري: الرئيس السيسي قدم كتير ومستعد يقدم أكتر
هاجم الإعلامي والكاتب الصحفي مصطفى بكري ما وصفهم بالمشككين في الدولة ومؤسساتها، محذرا من حملات الشائعات والتشكيك والاغتيال المعنوي، ومؤكدًا أن مواجهة التحديات الداخلية والإقليمية تتطلب الحفاظ على تماسك الدولة والوقوف إلى جانب مؤسساتها.
وحذر بكري عبر برنامجه «حقائق وأسرار»، من حملات الشائعات والتشكيك، قائلا: «أوعوا تفتكروا حرب الشائعات والاغتيال المعنوي اللي بيحصل ده، أوعوا تفتكروا محاولة شطنة الناس هتخوف حد أبدا».
وأضاف: «اللي عنده حاجة على حد فليذهب إلى النائب العام أو غيره، لو حد موجود وسط البلد ده وعليه حاجة قوله وتكلموا».
وانتقد ما وصفه بمحاولات التشكيك في مؤسسات الدولة، قائلا: «أما ما يحدث الآن تشكيك في الدولة، في مؤسسات الدولة، في جيشنا العظيم اللي واقف على الحدود اللي بيحمي البلد».
وتابع: «إنتوا بتتكلموا بلسان مين؟ الشعب المصري بريء من أي خائن وأي متآمر، إحنا ولاد الشعب المصري وعمرنا ما هنسيب شعبنا ولا نسيب مشاكل ولا نسيب قضايا».
كما وجه انتقادات لمن يتحدثون من خارج مصر أو من داخلها، قائلا: «إنتوا قاعدين في أبراج عاجية بتتكلموا من برة، والخونة اللي بيتكلموا من جوة، اللي هم خلايا نائمة بالأساس».
وأضاف: «إنت نسيتوا إنتوا عملتوا إيه في البلد دي؟ النهارده جايين تكلمونا وتلتفوا مع بعض الخونة الآخرين اللي إحنا عارفينهم، اللي خربوا البلد، اللي مصوا دم البلد، اللي مصوا دم الشعب المصري، النهارده يعملوا نفسهم وطنيين».
وأكد بكري أن الوطنية، من وجهة نظره، تعني الوقوف إلى جانب الدولة خلال الأزمات، قائلا: «لأ، الوطني الحقيقي هو الذي يقف مع بلده، مع دولته».
وتحدث بكري عن التحديات الإقليمية المحيطة بمصر، مشيرا إلى الأوضاع في ليبيا والسودان ومضيق باب المندب، قائلا: «إحنا على كل الاتجاهات الاستراتيجية، القيادة السياسية هتعمل إيه ولا إيه؟ النهارده من الناحية الليبية في مشاكل، ناحية السودان في مشاكل، مضيق باب المندب شايفين الحوثيين بيعملوا إيه».
وأضاف: «شايفين بيضربوا النهارده، الإمارات سفينتين اتضربوا، وبيحصل في مضيق باب المندب سفن بتضرب، الهدف إيه؟ الهدف قناة السويس».
وشدد على ضرورة أن يكون المعيار الأساسي هو حماية الأمن القومي المصري والعربي، قائلا: «كل من يتآمر على أمننا، على استقرار الأمة العربية، لا تقول لي هو ضد إسرائيل ولا ضد أمريكا، المعيار الوحيد هي بلدنا، هي أمتنا العربية من المحيط إلى الخليج».
وأكد: «لازم يبقى أمننا القومي واحد، لازم نحافظ على تماسك الدولة دي».
وتحدث بكري عن الأوضاع الاقتصادية، مشيرا إلى أن الدولة تواجه تحديات وديونا ومشكلات اقتصادية، قائلا: «الرئيس السيسي قدم كتير ومستعد يقدم أكتر، ظروف صعبة والوضع صعب والوضع الاقتصادي صعب جدا، وعلينا ديون ومشاكل وغيره».
وأضاف: «ومع ذلك بلدنا واقفة، شوفوا شهادة صندوق النقد الأخير، رغم إن أنا لا أؤمن بهذا الصندوق، لكن بيتكلم عن تحسن».
وأشار إلى معاناة المواطنين من ارتفاع الأسعار، قائلا: «في أوضاع صعبة، في معاناة، في أسعار، ما حدش بينكر، والرئيس نفسه سأل هذا الكلام أكثر من مرة».
واختتم مصطفى بكري حديثه بالتأكيد على أهمية الحفاظ على الوطن ومؤسسات الدولة، قائلا: «هنعبر، لأن في وطن وفي بلد، أي مشكلة ممكن تتحل إلا ضياع الوطن، إلا ضياع مؤسسات الدولة المصرية».
ووجه رسالة إلى المصريين قائلا: «يا مصريين، يا أعظم شعب، يا شعب حافظ على حدوده من 7 آلاف سنة، لا تصدقوا الشائعات والأكاذيب، دولة قوية، شعب قوي، جيش متماسك، شرطة قوية قادرة على حماية كل جزء من أرضنا، وده اللي حصل وده اللي حصل».
