«برامج التوك شو مش موجودة».. جمال الشاعر ينتقد بطء إيقاع التلفزيون

تحدث الإعلامي جمال الشاعر عن إيقاع التلفزيون من وجهة نظره، قائلا: «لما سافرت فرنسا عرفت إن إيقاع التلفزيون بتاعنا بطيء وبرامج التوك شو الساعتين دي مش موجودة».

إطلاق برنامج «أماني وأغاني»

وأضاف الشاعر، خلال استضافته في برنامج «الستات ميعرفوش يكدبوا» المذاع عبر شاشة سي بي سي، أنه في بداية عمله على إطلاق برنامج «أماني وأغاني» قرر أن البرنامج يجب ان يذيع أغاني شباب، مبررا أن البرنامج موجه للشباب.

اخدت القرار وبقيت بطل

وقال جمال الشاعر: «الأول قالولي مينفعش لأن وقتها كان في التلفزيون المصري ممنوع إذاعة الأغاني الشبابية لأنها لم تكن معتمدة.. كان لازم ملحنين ولجنة النصوص يوافقوا عليها ولو ده محصلش بيكون في عقاب.. لكن أنا عملت ده والمخرجة قالتلي لو حصل حاجة هتكون أنت المسؤول لكن محدش كلمني وبعدها بقيت بطل وقعدوا يسقفولي لأني حققت نجاح كبير.. أنا عملت طفرة خلت نسبة الاستماع وقت الظهر نفس نسبة الاستماع في فترة السهرة والبرنامج كان جذاب جدا ونجح».

موقف طريف مع الهضبة عمرو دياب

وخلال الحلقة استرجع الإعلامي جمال الشاعر، موقف طريف جمعة بموسيقار الراحل هاني شنودة والهضبة عمرو دياب، وقال: «أحد المرات كنت عند هاني وجالنا شاب صغير كده ولطيف وهاني فضل ينصحه نصائح كتير وقاله اسمع الأغاني اللي كتبها جمال».

من شاب صغير يبحث عن أغاني لأسطورة الغناء

وأضاف الشاعر: «الأغاني كانت فيها أفكار، والشاب ده لما سمع الأغاني قالي ممكن نشتغل مع بعض وتكتبلي أغاني زي اللي سمعتها وساب الكرت بتاعه.. لما بصيت في الكارت لقيت الاسم عمرو دياب».

أحمد زكي 

وتابع  الشاعر: «لكن للأسف محصلش تعاون لأن الأغاني اللي كنت كاتبها دي أنا اقترحت إن أحمد زكي اللي يغنيهم علشان الأغاني محتاجة أداء تعبيري مش تمثيلي، لأني كنت شايف من أكثر من 25 سنة إن الأغاني هتروح عند الإيقاع ده».

صلاح جاهين

وأكد جمال الشاعرأن المؤلف الكبير صلاح جاهين، عندما استمع للاغاني التي كتبها أشاد بها كثيرا، وقال: «مين الواد ابن الجنية اللي كاتب الكلام ده».