فتحي عبدالوهاب: الشباب اللي أنقذ أسرة من الترعة يستحقوا التكريم أكتر من أي حد

كشف الفنان فتحي عبد الوهاب عن حادثة إنسانية مؤثرة شهدتها محافظة الغربية، روى فيها بتفاصيلها قصة إنقاذ أسرة من الغرق على يد 4 شبان.

رواية فتحي عبد الوهاب كاملة

قال فتحي عبد الوهاب في تصريحات إعلامية: «في واقعة مثلا حصلت حادثة حصلت، عربية فيها أسرة ومعاهم طفلة صغيرة، العربية دي وقعت في ترعة في واحدة من مدن الأقاليم، يعني اعتقد في المنوفية أو الغربية حاجة كده، ترعة عريضة».

وتابع: «العربية دي في ناس شافوا، شافوا العيلة دي وهي بتنزل جوه الترعة، فناس أربعة ما يعرفوش بعض، ومن غير ما يفكروا نزلوا».

وكشف عن تفاصيل أكثر إنسانية: «منهم واحد ما بيعرفش يعوم، بس على قده يعني، اللي هو العوم الكلابي اللي احنا كلنا بنعومه ده، أيوه أيوه، نزلوا وهم ما يعرفوش بعض».

واستكمل: «أول واحد جاب حجر كبير وقعد يخبط وقعد يخبط في البربريز»، معقبا: «هو ده هو ده اللي انت بصيت وقلت يا سلام، أما اللي بعده، تخيل، مع إن ده هو الجدير شوية، هو الجدير بالتكريم، هو واللي زيه وغيرهم كتير ما بيتصوروش يعني، لكن انت بتروح للحاجة اللي عاملة كده وفي الآخر بتقعد تشتم فيها الله، عشان انت عايز تروح للحاجة اللي مستفزاك بالظبط».