أمنية حجازي لـ ملكة التريندات: مش بهتم بالتريند والناس هيشتموني عشان الخمار
قالت البلوجر أمنية حجازي، إن خطوة الابتعاد عن السوشيال ميديا والاختفاء ليست بعيدة بل هي ممكنة، قائلة: «أنا مش بحب هوس السوشيال ميديا هي بالنسبالي مكان شغل فقط».
سبب إعلانها عدم الظهور في أي برنامج
وأوضحت، خلال استضافتها في برنامج «ملكة التريندات» المذاع عبر نيوز رووم، مع الإعلامية سارة مكي، سبب إعلانها عدم الظهور في أي برنامج، قائلة: «أنا حبيت أطلع أقفل الباب لأي شخص مريض عنده مشكلة تجاة النقاب أو الخماار أو الحجاب ويستغل اسمي ويكتب عنوان زي أمنية حجازي تحررت من سجن النقاب، لأن النقاب مش سجن النقاب أجمل شيئ عملته في حياتي».
الناس ملهمش أمان وغدارين
وقالت للإعلامية سارة مكي: «أنا ظهرت معاكي من سنتين والناس كانت بتطبلي في الكومنتات علشان الخمار، حبيت أطلع معاكي وتشوفي إن الناس هتشتمني في الكومنتات علشان الخمار.. ده بيأكد إن الناس ملهمش أمان وغدارين ومش مقياس لأي شيئ مهما يقولوا حتى لو قالوا عني بعمل تريند».
هل خلع النقاب نفاق؟
وخلال الحلقة، وجهت الإعلامية سارة مكي، البلوجر أمنية حجازي بسؤال قائلة: «لما تطلعي دلوقتي على السوشيال ميديا لابسة نقاب وتحببي البنات إنهم يلبسوه، وتاني يوم تقلعيه.. هل ده نفاق ولا أنتي مش قد المسؤولية؟».
أنا مبمثلش غير نفسي
جاء رد أمنية حجازي حاسما، حيث رفضت حصر خياراتها بين النفاق أو انعدام المسؤولية، قائلة: «ولا ده ولا ده.. أنا مبمثلش غير نفسي مش بمثل الدين، ومش شرط كل بني آدم يدعوا لشيء إنه يفضل طول الوقت يعمله».
وتابعت حجازي موضحة وجهة نظرها في قضية الدعوة والالتزام: «ما إحنا لو بنستنى إن الإنسان اللي بيدعونا لربنا سبحانه وتعالى يكون معندهوش أي أخطاء في حياته، يبقى محدش هيتكلم في الدين ولا الدعوة في سبيل الله.. مكنش حد هيدعوا لسبيل الله بعد النبي محمد».
مصيبة وكارثة
وانتقدت أمنية نظرة المجتمع وربطهم للأشخاص بالدين بشكل كامل، قائلة: «المشكلة إن الناس طول الوقت شايفين إن أي حد بيتكلم في الدين يبقى هو ده الدين.. دي مصيبة وكارثة».
