«أنا أكتر واحدة سمعت كلمة لأ».. دانا حمدان تكشف بدايتها في التمثيل

كشفت الفنانة دانا حمدان، عن بدايتها في عالم التمثيل، مؤكدا أنها كانت تحلم بالدخول لهذا المجال منذ كانت في الـ 16 من عمرها، وقالت: «حلمت بالتمثيل من وأنا 16 سنة.. وحاولت كتير لكن كنت طول الوقت بسمع كلمة لأ، أنا أكتر واحدة سمعت كلمة لأ لحد ما فقدت الأمل أدخل المجال».

صدفة كانت وراء دخولها مجال التمثيل

وأضافت، خلال استضافتها في بودكاست «باب القلوب»: «بعد فترة الشخصية اللي رفضتي في بدايتي كانت هي السبب إني أدخل التمثيل.. لما روحت زمان أعمل كاستينج قالتلي أنت متنفعيش خالص ووشك حتى مش مناسب للكاميرا.. وسبحان الله بعد فترة قابلتها علشان حاجة مختلفة تماما وكانت هي السبب إني أدخل مجال التمثيل».

أول فرصة مع الزعيم

وتابعت: «كنت بقدم على شغل استايلست والسيدة اللي قابلتها قالتلي مينفعش تكوني وراء الكاميرا لازم تظهري، وسبحان الله بقيت مذيعة.. وبعدين قابلت مي أختي في مشوار وهي كانت بتحضر لفيلم وبعدها بأسبوع لقيت حد بعتلي علشان دور مع الزعيم عادل إمام».

وأكدت دانا حمدان، أن من يرغب في النجاح يجب ان يكون على أتم استعداد لأي فرصة قد تأتي له، بغض النظر عن وقت الفرصة، قائلة: «لاز تكون جاهز علشان تستغل الفرصة لما تيجي في أي وقت».

 سبب انحدار المحتوى المقدم على السوشيال ميديا

وفي وقت سابق، خرجت الفنانة دانا حمدان عن صمتها من خلال مقطع فيديو عبر حسابها الرسمي على موقع تبادل الصور والفيديوهات إنستجرام، لتوضح لجمهورها سبب انحدار المحتوى المقدم على السوشيال ميديا. 

حيث قالت دانا حمدان في هذا الفيديو الذي نشرته على حسابها الرسمي: «شوفت سؤال على السوشيال ميديا أن ليه صناع المحتوى يتقبلوا كل هذا الكم من الإهانات والشتايم، وبما أني صانعة محتوى وفي العالم ده بقالي حبة حلوين، اسمحولي أرد على السؤال ده، انتشار السوشيال ميديا ابتدأ في ٢٠٢٠ مع قعدة الناس في البيت، الدنيا كانت ماشية تمام والمحتوى كان لطيف وكان في حالة من الانبهار، الدنيا بدأت تبوظ أول ما الماديات دخلت في الموضوع».