بعد وفاة والده.. كلمات مؤثرة من تامر حسني.. «ولولاه مكنتش هبقى الشخص ده»
توفي صباح اليوم حسني شريف، والد الفنان تامر حسني، وسط حالة من الحزن بين جمهور النجم والوسط الفني، خاصة أن تامر كان قد تحدث في أكثر من لقاء عن علاقته بوالده، مؤكدا أنه كان صاحب الفضل الأكبر فيما وصل إليه من نجاح، وأنه يرى نفسه امتدادا لحلمه الفني.
تامر حسني عن والده.. مقدرش أزعل منه وهو سبب وجودي
وخلال لقاء سابق مع الإعلامي الدكتور عمرو الليثي، تحدث تامر حسني عن علاقته بوالده، موضحا أن غيابه عنه خلال فترة من طفولته كان بسبب ظروف خاصة، لكنه أكد أنه لم يحمل له أي مشاعر غضب أو عتاب.
وقال تامر حسني: «أبويا غاب فترة عني في مرحلة طفولتي، مكناش مع بعض لظروف أنا بعذره عليها، ومملكش إني أزعل منه، هو اللي جابني الدنيا، واللي نجح دلوقتي دي جيناته هو، ولولاه مكنتش هبقى الشخص ده».
وأضاف: «الصوت أنا واخده منه، والجينات الفنية دي أنا واخدها منه، وهو كان عنده ظروف ولازم أقدرها».
والد تامر حسني كان فنانا ولم يستكمل مشواره
وأوضح تامر حسني أن والده كان فنانا في بداياته وبدأ بالفعل في طريق الشهرة، لكنه لم يتمكن من استكمال مشواره الفني بسبب ظروف صحية ونفسية مر بها.
وقال: «بتفرق الشخص بيشوف الموقف إزاي، خصوصا إن أبويا كان فنان في وقته وبدأ يتشهر، بعدين حصله ظروف صحية وتعب نفسي مقدرش يكمل، وسافر وبعد عننا، وعنده ظروف لازم أقدرها دلوقتي».
بكمل حلمه.. تامر حسني يوجه رسالة لوالده
وأكد تامر حسني أنه يعتبر نجاحه الفني امتدادًا لحلم والده، مشيرا إلى أن والده كان يرى نفسه فيه ويفرح بكل خطوة يحققها في مشواره.
وقال تامر: «هو فرحان بيا طول الوقت، وبكمل حلمه، هو شايف نفسه فيا.. أبويا أقول له أنا بحبك جدًا، وأي نجاح أنا فيه بسببك أنت، كان نفسك تحقق حلم معين، وربنا كرمك بابنك اللي بيكمل مشوارك».
