مرفت التلاوى: يوسف بطرس غالي خسر المعاشات أكتر من 500 مليون جنيه

كشفت السفيرة ميرفت التلاوي، وزيرة الشؤون الاجتماعية الأسبق ووكيل الأمين العام الأسبق للأمم المتحدة، كواليس إدارة أموال التأمينات والمعاشات في عهد الرئيس الأسبق حسني مبارك، مؤكدة أنها سعت لاستثمارها في شركات رابحة بما يعود بالنفع على أصحاب المعاشات، إلا أن مقترحاتها قوبلت بالرفض، وذلك .

رفض استثمار أموال المعاشات في شركات رابحة

وقالت السفيرة ميرفت التلاوي خلال استضافتها في بودكاست «بالعربي»، إنها عرضت استثمار أموال التأمينات في شراء حصص بشركات تحقق أرباحًا كبيرة، قائلة: «كنت عاوزه أشتري بفلوس التأمينات 3 شركات بيكسبوا كويس: الموبينيل والاتصالات ومجمع الألومنيوم وحديد الدخيلة».

وأضافت: «قلت لهم بدل ما تدوها لشخص واحد.. نخلي الربحية دي تعود على أصحاب المعاشات. الـ12 مليون واحد اللي عندي هيتنقلوا، بدل ما كان بياخد 500 جنيه في الشهر معاش هياخد 5000 و10000 و7000.. كان هيبقى موضوع مختلف تمامًا».

وأوضحت أنها عرضت دفع 300 مليون جنيه زيادة فوق سعر شركة الاتصالات، إلا أن العرض تم رفضه، مضيفة: «الراجلين اللي كانوا معايا من التأمينات قالوا لي يا فندم في فلوس تحت الترابيزة.. قلت لهم ما عنديش منها».

خلافها مع يوسف بطرس غالي

وتطرقت التلاوي إلى واقعة توجيه جزء من أموال المعاشات لدعم البورصة، قائلة: «رئيس الوزراء قال لي ادي ليوسف بطرس 500 مليون يحطها في البورصة عشان البورصة وقعت».

وردًا على ما نُسب إلى وزير المالية الأسبق يوسف بطرس غالي بشأن طلبه مليار جنيه، قالت: «ده كلام منتقد وعيب عليه إنه يقول الكلام ده.. هو أنا تلميذته في ابتدائي؟ ما فيش مليار ولا بتاع.. هي 500 مليون»، وأضافت: «وعطاهم لمستثمر واحد كان عايش في أمريكا ورجع.. وللأسف الشديد إن خسرنا كثير من الـ500 مليون دول».

أموال المعاشات أموال خاصة

وأكدت السفيرة ميرفت التلاوي أنها خاضت معركة لإثبات أن أموال المعاشات ليست أموال دولة وإنما أموال خاصة بأصحابها، مشيرة إلى أنها نجحت في إدراج ثلاثة مبادئ بالدستور، هي أن أموال المعاشات أموال خاصة يتم استقطاعها من المرتبات، وأن يتم استثمارها في مشروعات ناجحة، وأن يعود العائد منها إلى أصحابها، واختتمت حديثها قائلة: «لغاية دلوقتي بطلب وبرجو من الدولة إنها تنفذ اللي أنا ما قدرتش أنفذه، لأنها دي وسيلة لحفظ فلوس المعاشات وزيادتها».