بأغنية طمني على الحبايب.. جورج وسوف يتعاون مع صلاح الشرنوبي بعد غياب |خاص
كشف الملحن صلاح الشرنوبي عن عودته مجددًا للتعاون مع المطرب جورج وسوف، بعد غياب دام لسنوات طويلة، وذلك في تصريحات خاصة لـ موقع نيوز رووم.
جورج وسوف وصلاح الشرنوبي
حيث قال صلاح الشرنوبي في تصريحه: “تعاونت مع جورج وسوف في أغنية طمني على الحبايب، وهي من كلمات أحمد شتا، وتوزيع رامي شرنوبي، وانتاج وسوف، ومبسوط جدًا بعودتنا، وسوف بقى شخص تاني ومختلف تمامًا والفضل يرجع للفريق اللي معاه على رأسهم مديرة أعماله”.
تعليق صلاح الشرنوبي على حق الاداء العلني
وقد خرج الملحن الكبير صلاح الشرنوبي ليعلق على الجدل المثار عن تفعيل حق الأداء العلني، خاصة أنه من كبار الملحنين الذي يواجه تلك الأزمة، وذلك في تصريحات خاصة لـ موقع نيوز رووم.
حيث قال الملحن صلاح الشرنوبي في حديثه لـ نيوز رووم: “هو الملكية الفكرية، الحق الادائي العلني اللي هو الشق المادي في قانون حماية الملكية الفكرية، المفروض القانون دا بيحفظ حقوق المؤلف، المؤلف دي بمعنى المؤلف والملحن، أو أي حد مبدع في الاغنية، أحنا بالنسبة لنا في مجال الملكية الفكرية بين الغناء والموسيقى الحق الادبي والحق القانوني والحق المادي اه ضيعين ضيعين جدا، لان احنا قانون حماية الملكية الفكرية عندنا في مصر قانون 82 سنة 2002 المتطبق (1:00) في مصر، ليس على ما يرام اوي، لأن فيه حاجات كتير أوي ما بتوصلش حقوق المؤلف الى غايتها من ماديا ولا ادبيا ولا قانونيا حقوق ضيعة، ولكن للأسف لحد دلوقتي مفيش حد جه قدر يكون امين في تحصيل حقوق المؤلف، أو ما عندوش دراية كافية، والنتيجة أن الحقوق ضايعة محتاجة يعني شوية مجهود اكتر، محتاجة حد يمسكها، وناس عندها رؤية، وعندها تخصص في هذا المجال اكتر من كده”.
