تامر حسني عن أغنية يا خسارتنا : اتوزعت في شارع يوم نزول ألبومي

كشف نجم الجيل تامر حسني كواليس العمل على أغنية يا خسارتنا، التي طرحها ضمن ألبومه الجديد مش هتتكرر.

وأعاد تامر حسني مشاركة صورة موزع الأغنية أحمد عادل، التي ظهر خلالها نائمًا، مؤكدًا أن الصورة من كواليس توزيع أغنية يا خسارتنا، حيث كتب عادل : "دي الصورة الوحيدة من كواليس شغلي على أغنية یا خسارتنا لأخويا النجم تامر حسني، ساعات شغل كتير وساعتين نوم بس، وتسليم الأغنية صباح نزول الألبوم، يارب النتيجة تعجبكم".

وعلق تامر حسني عبر ستوري إنستجرام، كاشفًا كواليس الأغنية، حيث كتب : "لا أنا اللي لازم أحكي،واحنا بنطلع الماستر عند هاني باشا محروس، كان قدامنا 10 ساعات ونستلم الماستر، دخل عليا عمرو مصطفى قالي أسمع الأغنية دي، ىسه عاملها في الإشارة، سمعهالي أثرت فيا أوي، قولتله هغنيها فورًا وهنزلها في الألبوم"

وتابع تامر : "قولنا عايزين حد عنده مشاعر وسريع، كلمنا الرائع أحمد عادل اللي عملي زمان أغنية بعيش، قولتله ألبومي قدامه 10 ساعات و ينزل قالي ألف مبروك، قولتله لا أنا عايزك تجيلي حالًا باللاب توب عشان توزعلي أغنية في الشارع، قالي في الشارع ليه طيب ؟، قولتله عشان ستوديو هاني محروس بيطلع منه الماستر ومشغول".

وأكمل تأمر حسني : "فجالنا أنا وعمرو باللاب توب قعدنا ساعتين بنشتغل في الشارع بين عربيتين على الرصيف، وأندمجنا روحنا مكملين في المطبخ، تقريبًا 8 ساعات شغالين، وأحمد قال هنام ساعتين وأصحى أطلع الأغنية قولتله وأنا أكون روحت الستوديو عندي سجلتها وبعتلك تراك صوتي".

وأضاف : "وفعلًا كل ده حصل في وقته، ونزلت الأغنية وحقيقي فرحان إن احساسها اللي وصلي من عمرو عرفت أوصله ليكم بموسيقى الرائع أحمد عادل".

واختتم تامر حسني : "شكرًا يا أحمد على تعبك في أغنية يا خسارتنا، وعلى ذوقك وشطارتك واحساسك".