صدمة داخل المستشفى.. خبيرة تجميل «قياس الضغط وصل لـ800 جنيه والمحلول بـ1200؟»
أثارت خبيرة التجميل فيولا سعد جدلا عبر حسابها على موقع «فيسبوك» بعد أن كشفت عن موقف تعرضت له داخل أحد المستشفيات، معربة عن استيائها من تكلفة بعض الخدمات الطبية التي وصفتها بأنها مبالغ فيها.
وقالت فيولا سعد إنها توجهت إلى مستشفى الأندلسية لقياس ضغط الدم بعد شعورها بصداع شديد، قائلة: «هو معلش لا مؤاخذة، قياس الضغط في مستشفى الأندلسية بـ800 جنيه، والمحلول عشان عندي صداع، قالي تاخدي محلول فيه مسكن بـ1200 جنيه؟».
أضافت: «دفعت قياس الضغط بس ومشيت، دي أسعار إيه دي؟ هو النصب حتى في المستشفى؟ هو ده عارفينه، بس مش لدرجة قياس ضغط».
وأرفقت تعديلا قائلة: «تعديل الناس اللي بتقولي ليه روحتي دي تحديدا، أكيد مكنتش أتوقع ولا أعرف إن قياس ضغط في مستشفى يوصل لـ800 جنيه، ثانيا، أنا كان عندي عروسة في فندق رويال جويل بمحطة الرمل، وتعبت جدًا، ونازلة مش شايفة قدامي ولا قادرة أسوق».
تابعت: «سألت أقرب مستشفى إيه، لأن ناس كتير قالتلي إن الصيدليات مبقوش يقيسوا، وأنا بقالي 4 سنين مش في البلد، فمعرفش حاجة، واحد في الشارع قالي: أقرب مستشفى الشارع اللي جاي شمال، دخلت وقولت لهم: عاوزة أقيس الضغط بس، دخلوني وقاسولي الضغط، وده اللي حصل».
اختتمت: «ولما قالي على المحلول، قولت للبنت الأسيستنت اللي كانت معايا: قبل ما يعلق محلول اطلعي اسألي عن الأسعار، طلعت وقالتلي الأسعار، فقولتلها: حاسبي على قياس الضغط بس ويلا».
