الراحل هاني شنودة يروي كواليس اكتشاف عمرو دياب: «اسمه الحقيقي مش عمرو»
تحدث الموسيقار هاني شنودة عن الفنان عمرو دياب، قائلا: «عمرو دياب خبط عليا فتحتله الباب بالبيجامة وقالي عايز أبقى مطرب بس قولتله عندك مشكلة إن قاعد في بورسعيد، وصحيت الصبح الأتوبيس راجع على القاهرة لقيته واقف في وسط الفرقة، وأنا فيا نوع من الأبوة زيادة قولتله انت أي جايبك هنا».
بداية لجوءه للموسيقى
وأضاف، خلال لقاء سابق عبر قناة صدى البلد: «عمرو دياب رد قالي أنا جاي معاكم مصر، سألته عندك حد تقعد معاه أو قريبك؟، قالي ملكش دعوة أنا جاي بالمنتج بتاعي ومسنينا في مصر، كان عنده تقريبا 20 سنة».
عودة واستقرار بالقاهرة
وواصل: «عمرو دياب وقتها عنيه كان فيها لمعة الإصرار أنا مش راجع بورسعيد تاني، أنا مش هرجع لحياتي الأولانية، طبعا جه معانا وأنا أتوسطله ودخلناه معهد الموسيقى العربية، واحد اداني تليفون قالي الشخص اللي انت متبنيه واسمه عمرو دياب هو مش اسمه عمرو وأنا مش هينفع أقول هو اللي يقول، بس اسم العيلة دياب، سألته في اي قالي سايب المعهد وبيلعب كورة وهيترفد».
الرياضة من أجل التخسيس
واختتم: «قولتله فين قالي مدينة السينما وخدت عربيتي وروحت وركنت العربية لقين ناس بتلعب كورة وناديت عليه يا عمرو انت سايب اللحن وبتلعب كورة جه جري، كان في واحد مضطهد عمرو لأنه كان مليان وكان صحفي يكتب عمرو يأكل كموج البحر، عمرو دياب بيغني منين أجيب كفته، وحاجة يعني بايخة جدا، فقالي أنا بعمل عمرو نهائي خدته في حضني بقى وقولت الواد دا هيوصل».
ونعى الفنان محمد حماقي الموسيقار الكبير هاني شنودة، الذي رحل اليوم، معربًا عن حزنه لفقدان قامة فنية مصرية كبيرة.
وكتب محمد حماقي عبر حسابه على منصة «إكس»: «خالص العزاء لأسرة الموسيقار الكبير هاني شنودة.. مصر خسرت النهارده قامة فنية كبيرة، بس أكيد أعماله هتفضل عايشة معانا ويتعلم منها أجيال كتير».
وأضاف: «خالص عزائي لأسرته وذويه وكل محبيه».
