بسبب عملية في الظهر.. أحمد جلال عبد القوي يروي كيف تحول العلاج إلى إدمان

كشف الفنان أحمد جلال عبد القوي، خلال لقاء سابق مع الإعلامية ياسمين عز في برنامج «كلام الناس» المذاع على قناة «إم بي سي مصر»، تفاصيل صادمة عن فترة إدمانه للمخدرات، مؤكدا أن الأمر بدأ بعد خضوعه لعملية جراحية خطيرة في الظهر.

وقال أحمد جلال عبد القوي: «حصلتلي مشكلة مع المخدرات وأثرت عليا جدا في شخصيتي وكل حاجة».

إدمان المخدرات بسبب عملية

وأضاف: «عملت عملية في ضهري وركبت 3 فقرات، كانت عملية كبيرة شوية ومش أي حد بيعملها، لدرجة إني عملتها عند دكتور في إسكندرية، وقبل ما أعمل العملية كنت ماضي على إقرار إني ممكن ممشيش تاني».

استمرار في الأدوية المخدرة

وتابع: «كان في أدوية باخدها مسكنات عبارة عن مخدر، ولما جه الوقت اللي المفروض أوقف استخدامه أنا موقفتش واستمريت عليه عشان أدمنته، هو بقى إدمان بوقت معين لازم أخده».

واختتم حديثه قائلا: «قعدت 4 سنين أخده، وفترة علاج ضهري كان فيهم سنة وشهرين، والباقي استخدمته لمجرد الإدمان».

وحل الفنان أجمد جلال عبدالقوي، ضيفا في برنامج «كلام الناس» المذاع عبر شاشة إم بي سي مصر، مع الإعلامية ياسمين عز في حلقة سابقة، وخلال الحلقة أكد أنه مشجع كبير للنادي الأهلي، مضيفا: «أنا أهلاوي جدا وأقرب حد ليا هو محمد مجدي أفشة هو حبيبي وصديقي وأكتر حد بكلمه».

المرأة في حياة أحمد جلال عبدالقوي

وفي سياق الحديث عن المرأة في حياته، أضاف أحمد جلال عبدالقوي: «أنا كنت خاطب لكن الموضوع مكملش محضلش نصيب.. الحياة بين أي اتنين بتكمل لما ربنا يكون بينهم وقتها بيتوفقوا وبيكون في عائلة زي والدي ووالدتي بقالهم 40 سنة مع بعض».

هل يفكر في الزواج

وتابع عبدالقوي: «الزواج مسؤولية وأنا مش جاهز أو مش عايز اتجوز دلوقتي.. حاسس إن أنا حر وكدا أحسن.. وأنا بأمن بصداقة البنت والولد وأقرب صحاب ليا بنات لكن لازم يكون فيها ربنا علشان ميكونش في استغلال»

كما تطرق للحديث عن علاقته بالله، قائلا: «أنا عارف ربنا كويس وعندي وعي وبحب ربنا وقريب منه جدا لكني شخص كسول شوية».