ريهام سعيد ترد على جدل حلقة والدة زيكو: عملتوا أزمة من مفيش
خرجت الإعلامية ريهام سعيد، مقدمة برنامج «صبايا الخير»، عن صمتها لتدلي بأول تعليق لها على الجدل المثار حول حلقة استضافت فيها والدة لاعب المنتخب المصري مصطفى زيكو، والتي أثارت تصريحاتها موجة عارمة من الانتقادات والتضامن على مواقع التواصل الاجتماعي.
وظهرت ريهام سعيد في مقطع فيديو عر صفحتها ارسمية على موقع التواصل الاجتماعي فيسبوك، أعربت فيه عن استيائها الشديد من الهجوم الذي طال والدة اللاعب بعد الحلقة، مؤكدة أن ما صدر عنها لم يكن سوى تعبير أمومي عفوي، وليس نقدا لزوجة ابنها أو ابنها كما روّج البعض.
وقالت ريهام سعيد في تعليقها: «أنا من معجبين عمرو أديب وشوفت زيكو مع عمور أديب وسمعت كلامه عن والدته وفكرت إن كل الاحتفالات ظهر فيها الزوجات، ليه منظهرش مع والدته السيدة اللي هو اتكلم عنها وعيط وهو بيحكي عن تضحياتها عشانه وفكرت إننا نكرمها وهي كانت سعيدة بالتكريم ده وشعرت إنه جني ثمار تعبها»
وأضافت: «الحقلة 46 دقيقة منهم 43 بتحكي قد إيه زيكو بيعمل خير وبار بيها وجميل ومحترم وفي أخر 3 دقائق عطيت زيها زي أي أم وقالت مراته وعياله بقوا رقم 1 وأنا رقم 2 وأنا متقبلة بس نفسي أشوفه وأحضنه وأنا مش شايفة الكلام فيه اي حاجة غلط».
وأردفت: «أنا ابني عنده 28 سنة ومش متجوز لكن مش بشوفه وده دليل إننا ممكن نكون أولوية في قلوب ولادنا لكن بيتشغلوا شوية عننا عادي ده مش معناه إنه عاق».
وتابعت: «الحلقة لما اتذاعت كانت نتيجتها إنها راحتله وصيفت معاه فين أزمتكم.. أنتم عملتوا من كل ده ازمة .. أنا حتى مسألتهاش هي بتشوفه ولا لأ وهي كانت ممكن تزود الكلام لو كنت سألتها أكتر لكن أنا قفلت على الكلام علشان ده مش غرض الحلقة أنا مش فاهمة فين المشكلة.. اللي عمل أزمة هو بوست زوجته بتاع زيكو ليا لوحدي مش الحلقة خالص يعني والقصة ملهاش دعوه بينا».
وواصلت: «المشاهدة الجامدة والجمهور الكبير ساعات مش بيكون شيئ لطيف.. لكن أنا من خلالكم بقول أن ده بيحصل وأنا كنت لسا بتحايل على ابني إنه يتغدى معايا ورفض ده مش معناه إنه عاق أو وحش.. أنا مريت بمصاعب كتير عشان عيالي ونفسي حد يكرمني ويقولي شكرا».
وفي ختام تعليقها، وجهت ريهام سعيد رسالة لمتابعيها، قائلة: "اتفرجوا على الحلقة كلها، مش على أخبار»، معبرة عن أملها في أن يلقى التكريم الذي قدمته للأم صدى إيجابيا، وقالت: «يارب زي ما بعمل مع الناس يتعمل معايا».
