مدبولي: خصصنا ما يقارب 4 مليون و900 ألف طن دقيق للخبز المدعم
أجاب الدكتور مصطفى مدبولي، رئيس مجلس الوزارء، عن سؤال حول آلية ما يتم رفعهم من بطاقات التموين، قائلا: «إحنا بنشوف دخل الأسر بإمكانياتها.. النهاردة لما قلنا المدارس الخاصة، مش أي مدارس خاصة، إحنا بنتكلم على المدارس اللي مصاريفها مرتفعة، ودي بتبقى مؤشر على دخل الأسرة، هو ده المعيار اللي بنحطه كنموذج».
وأضاف، خلال مؤتمر صحفي انعقد في العلمين: «لما اتكلمنا على المعايير التانية ما أعتقدش إن في خلاف عليها، سواء اللي عنده شقة في كومباوند، أو عنده عربية آخر موديل بقالها سنة، والحاجات دي كلها معروفة إنها مؤشر للدخل عامل إزاي».
وطمأن المواطنين، قائلا: «الموضوع ده احنا بنلمسه وبنراجعه، والتظلم مفتوح، والنهاردة أي حد يقول أنا وضعي كذا كذا بنراجع ونشوف الكلام ده وده اللي أنا عايز أؤكد عليه».
وعن ملف فران الخبز: «بالنسبة لموضوع الأفران، العيش المدعم وعيش التموين موجودين ومفيش أي تغيير في المنظومة، لكن فكرة إننا نبيع عيش حر دي بندرسها، خد بالك إحنا عندنا منظومة دعم عيني موجودة ومستمرة لحد دلوقتي، والدقيق اللي بنجيبه علشان الدولة قدرت الحمد لله لأول مرة نوصل لـ 4 مليون و850 ألف، وقربنا من 4 مليون و900 ألف مخصص للخبز المدعم».
وفي سياق متصل، تفقد الدكتور مصطفى مدبولي، رئيس مجلس الوزراء، ومرافقوه، طريق البوليفارد والمركز التكنولوجي لهيئة المجتمعات العمرانية الجديدة، ومنطقة الأبراج الشاطئية، وذلك في مستهل جولته اليوم لتفقد وافتتاح عدد من المشروعات التنموية والعمرانية التي يتم تنفيذها بمدينة العلمين الجديدة.
وخلال تفقد طريق البوليفارد، استمع رئيس الوزراء إلى شرح مفصل من المهندسة راندة المنشاوي، وزيرة الإسكان والمرافق والمجتمعات العمرانية، موضحة أن الطريق يُعد أحد أهم المحاور الحيوية بمدينة العلمين الجديدة، لما يمثله من شريان رئيسي يربط بين أبرز المناطق والمشروعات بالمدينة، فضلًا عن احتضانه مجموعة متنوعة من الأنشطة التجارية والخدمية والترفيهية التي تخدم السكان والزائرين، بما يسهم في تعزيز حيوية المدينة وتوفير بيئة عمرانية متكاملة.
وأشارت المهندسة راندة المنشاوي إلى أنه تم التشغيل الفعلي لعدد من المحال التجارية للمواطنين على الطريق، بينما تتواصل أعمال تجهيز وتشطيب محال أخرى تمهيدًا لافتتاحها خلال الفترة المقبلة، بما يعزز النشاطين التجاري والخدمي داخل المدينة.
