كريم الشناوي عن اختيار أمينة خليل في"خلي بالك من زيزي": كانت مخاطرة كبيرة
كشف المخرج كريم الشناوي عن كواليس اختيار الفنانة أمينة خليل لتقديم بطولة مسلسل “ خلي بالك من زيزي ” مشيرا إلى أن هذه الخطوة كانت تمثل خطورة كبيرة بسبب أن الجمهور كان من الممكن أن يرفض ذلك الدور لارتفاع صوتها .
كريم الشناوي
وقال كريم الشناوي في تصريحاته لبودكاست السيناريست مع وائل حمدي : كان في مخاطرة كبيرة أن أنت بتغامر بأمينة خليل الناس هتقول إيه ده، دي صوتها عالي ومزعجة أوي من غير ما تبرر ده ليه؟ وكده أنت بتحطها في مواجهة الأحكام .
وأضاف : وده كان جزء من المشروع أن أنت تشوف الطبقات بتاعة البشر بالتراكم علشان كده بحب أمينة، لأنها بتعرف تغامر معانا، وبتبقى مخلصة للشخصية مش مخلصة لمشروع النجمة والحكاية مش بس سيناريست ومخرج، لا، أنت محتاج ناس تكمل ده، والعلاقة بينا تبقى متماسكة للدرجة دي.
أمينة خليل
وفي سياق آخر ، كانت كشفت الفنانة أمينة خليل عن سبب تراجعها عن فكرة إجراء عملية تجميل في أنفها، قائلة: «أنا كنت هعمل عملية تجميل في مناخيري وقبل معاد العملية بيومين وقعت من على السلم.. وده مش طبعي يعني مش حاجة عادية إن أنا أقع».
علامة من ربنا خلتني اتراجع عن فكرة عملية التجميل
وأضافت، خلال استضافتها في برنامج «كلام نواعم» المذاع عبر شاشة ام بي سي: «الوقعة دي كانت من على سلم كبير جدا وكنت لابسة جزمة عالية كمان.. وكلمت الدكتور وقالي لا يمكن ندخل أوضة عمليات وأنت وارمة ومزرقة وكدا.. وأنا أخدتها إن دي علامة من ربنا وقولت مش هعملها».
