محمد التاجي: الثقة في الناس مشكلتي.. واتخذلت من أقرب ناس ليا

حل الفنان محمد التاجي ضيفا على برنامج «الستات» عبر قناة النهار، وتحدث خلال اللقاء عن علاقته بالناس وأسباب حساسيته الشديدة تجاه مواقف الخذلان، مؤكدًا أنه رغم تجاربه الصعبة ما زال يحتفظ بثقته في الآخرين.

وقال محمد التاجي خلال اللقاء: «عندي مشكلة في الثقة الزايدة في الناس، كسروا خاطري كتير، قوي قوي»، موضحا أن هذه الثقة جعلته يتعرض لمواقف لم يكن يتوقعها.

قصة سرقة صديق فيسبوك

وأضاف: «في واحد صديق على الفيسبوك عمري ما قابلته، كان كل شوية يبعت لي يقول ظروفي صعبة ومحتاج كذا ومكانش بيطلب مبالغ كبيرة، فكنت بساعده، وكل مرة يقول لي 10 أيام وأردهم، لحد ما حسيت إن الموضوع استحل النهارده بعت لي عملت له بلوك».

تعرضه للخذلان من أشخاص مقربين

وكشف التاجي عن تعرضه للخذلان من أشخاص مقربين، قائلا: «أكتر حاجة اتخزلت فيها إنك تدخل حد بيتك ويبقى واحد من عيلتك وفجأة تلاقيه بيخون الثقة دي».

وعن تعرضه للسرقة، قال: «حصلت سرقة حد خد حاجات من البيت عندي، والسرقة من الناس القريبة ما تعديش».

وأوضح الفنان أنه لا يقطع علاقته بالآخرين من أول خطأ، قائلا: «مبدئي في الدنيا إني ما أخذلكيش من أول مرة، أسيبك تغلطي مرة واتنين وتلاتة، وتبقى غلطات كبيرة، وتيجي على الهينة بسبب وجاي عامل قطيعة كاملة».

رد فعل الجمهور على شائعة وفاته

وتحدث محمد التاجي عن رد فعل الجمهور على شائعة وفاته، مؤكدًا أنها كشفت له حجم محبة الناس، قائلا: «محبة الناس حلوة قوي، لقيت الناس كلها دافعت عني بشكل كبير».

وأضاف: «أنا يمكن من الفنانين اللي في وقت قلت لو اعتزلت محدش هيسأل فيا، لكن لقيت رد فعل الناس كبير، وده فرحني».

أمنياته في الفترة المقبلة

واختتم التاجي حديثه عن أمنياته في الفترة المقبلة، قائلا: «نفسي ربنا يخليني زي أمي الله يرحمها واقف على رجلي وما أتعبش حد ومحدش يشيلني أو يحطني، دي بتبقى أقصى حاجة».