«اتضحك علينا».. استغاثة عاجلة من 17 شاب مصري عالقين في أوزبكستان
تداول رواد مواقع التواصل الاجتماعي مقطع فيديو يظهر فيه عدد من الشباب المصريين العالقين في أوزبكستان يوجهون خلاله استغاثة عاجلة إلى وزارة الخارجية، مطالبين بالتدخل لإنقاذهم بعد تعرضهم، بحسب روايتهم، لعملية احتيال بشأن فرص عمل في الدولة الواقعة بآسيا الوسطى.
جابونا علشان نمضي عقد في شركة
وقال أحد الشباب في الفيديو المتداول: «احنا ناس جينا هنا في أوزبكستان، في ناس ضحكت علينا في مصر وقالوا إنهم جابونا هنا علشان نمضي عقد في شركة وهنشتغل بمرتب 800 دولار، وعملولنا أفلام هندي، وخدوا مننا مبالغ رهيبة في مصر وجينا هنا».
سفر بلا سكن أو أكل
وأضاف أن الشباب فوجئوا بعد وصولهم بعدم وجود سكن أو عمل، قائلا: «ولا لينا سكن ولا لقينا أكل ولا شرب ولا شغل ولا شيء، احنا الآن متشردين في الشوارع».
وأوضح أن عددهم يبلغ 17 شابا، مضيفا: «17 شخص متشرد في الشوارع، بقالنا على الوضع دا 15 يوم».
الشخص المسؤول مش راضي يحل
واتهم الشاب شخصا يدعى محمد حمدي عبد الوهاب، قال إنه المسؤول عن سفرهم، بعدم الاستجابة لمطالبهم أو مساعدتهم، مضيفا: «الشخص نفسه اللي جابنا محمد حمدي عبد الوهاب مش راضي يحل معانا، معاه دولارات في جيبه، يحجز الناس وينزلها، زي ما جبت الناس انت المتعهد للناس في كل شيء، معاه دولارات في جيبه ولا راضي يحجز لحد».
واختتم رسالته قائلا: «بيقول محدش مسؤول مني، محدش ماسك عليا حاجة»، مطالبا وزارة الخارجية والجهات المعنية بسرعة التدخل ومساعدتهم على العودة إلى مصر أو إيجاد حل لأزمتهم.
ولم يتسن التحقق بشكل مستقل من صحة الادعاءات الواردة في الفيديو أو الحصول على رد من الشخص المذكور أو الجهات المعنية حتى الآن.
