حسام موافي عن استقبال المنتخب: إحنا بنحب بلدنا حتى لو منعرفش ده

علق الدكتور حسام موافي أستاذ الحالات الحرجة بطب القصر العيني، على استقبال لاعبي المنتخب الوطني لكرة القدم في ميدنة العلمين، قائلا إن جينات الوطنية تجمع جماهير مصر على حب الكرة وحب المنتخب، لافتا إلى أن الجمهور رفع راية مصر دون مجهود.

المباراة أظهرت مدى حب المصريين لبلدهم

وأكد حسام موافي، خلال حلقة اليوم من برنامج «رب زدني علما»، المذاع عبر شاشة صدى البلد، أن هذه المباراة أظهرت مدى حب المصريين لبلدهم ودعمهم لمصر سواء في المكسب أو الخسارة».

إحنا بنحب بلدنا حتى لو منعرفش ده

وتابع: «سيدنا موسى كان محبب عند ربنا واتذكر في القرآن كتير جدا.. وبالرغم من ده لما دخل مصر ربنا قاله يقلع حذائه.. بذمتكم حد يخاف على البلد دي بعد ما سمعنا الكلام ده.. المنظر اللي كلنا شوفناه يفرح جدا وبيورينا قد إيه بنحب بلدنا حتى لو منعرفش ده».

وواصل موافي: «أنا لما كنت صغير ويكون في ماتش لمصر كنت بشوف 3000 شخص بيتفرج.. منهم 1500 بيعيطوا لو مصر كسبت.. حب البلد دي في دمنا حتى لو مش بناخد بالنا.. في كتير هاجروا وندموا على القرار ده حتى لو ماديا أحسن أو علميا أحسن.. لكن نفسيا ومعنويا لا يمكن يكون أحسن».

وخلال الحلقة، وجه الدكتور حسام موافي رسالة للشباب: «متهاجرش وتسيب بلدك.. اللي ناوي يهاجر يفكر كويس الهجرة مش سهلة.. روح اتعلم أو صلح حالتك المادية لكن إرجع تاني وأوعى تفكر تعيش عمرك بعيد عن بلدك.. مفيش بلد في الدنيا مفيهاش مشاكل لكن خد بالك من الأعداء لأنهم بيكبروا المشاكل».

وفي وقت سابق،عبر الدكتور حسام موافي أستاذ الحالات الحرجة بكلية طب القصر العيني، عن سعادته الكبيرة بموسم الحج هذا العام، مؤكدا أنه كان من أفضل المواسم التي شهدها على الإطلاق من حيث التنظيم والخدمات المقدمة للحجاج.

وخلال تقديمه برنامج «رب زدني علما» عبر شاشة صدى البلد، حرص موافي على تهنئة المشاهدين بعيد الأضحى، داعيا الله أن يرزق كل من يتمنى الحج فرصة أداء الفريضة قريبا.