الفنانة مديحة حمدي: الحجاب نقطة تحول.. وتكشف كواليس لقائها بالإمام الشعراوي

تحدثت الفنانة مديحة حمدي عن قرار ارتدائها الحجاب، مؤكدة أنه كان نقطة تحول فارقة في حياتها، قائلة: "كانت نقطة تحول في حياتي، وفهمت أكتر يعني إيه حسن التبعل للزوج".

تفاصيل لقائها بالإمام الشعراوي

وكشفت خلال لقائها ببرنامج “ورقة بيضا”، عن تفاصيل لقائها بالإمام الراحل الشيخ محمد متولي الشعراوي، موضحة أنها قصدته لتطمئن إلى موقفها من العمل الفني، وقالت: "رحت أقابله عشان أتأكد إني ماشية صح. سألته: يا مولانا التمثيل حلال ولا حرام؟ صمت صمتة طويلة وبعدين قالي: الفن ده زي الكوباية. لو مليتيها ماء بقت حلال، ولو مليتيها خمر والعياذ بالله بقت حرام. شوفي كوبايتك هتحطي فيها إيه".

وأكدت أنها لم تفكر يوما في خلع الحجاب، وأضافت: "ابني بيسألوه: مين في مصر ضامن مش هيقلع الحجاب؟ قال: مامتي ومراتي".

لم تفكر يوما في خلع الحجاب

كما أوضحت أن ارتداءها الحجاب كان سببا في تراجع العروض الفنية التي تلقتها، قائلة: "السادة المخرجين ممكن ما يحبش يبقى معاه فنانة محجبة. مش هقدر أقلع حجابي عشان أعمل مشهد في أوضة النوم مع جوزي".

وانتقلت الفنانة للحديث عن اهتمامها بالعمل المجتمعي، معربة عن حزنها لما تشهده بعض دور رعاية المسنين، وقالت: "اللي بيحصل في دور المسنين يبكي. أصعب حاجة إن 80% فيها عقوق والدين. الابن مش بيسأل على أمه. ممكن يملك ويجيب شقة ويقولها عيشي فيها عشان مايحصلش نقاش مع الزوجة".

وسردت موقفا وصفته بأنه من أكثر المواقف التي آلمتها، قائلة: "أكتر حاجة وجعت قلبي إن ابن قال لأمه: خدي الذهب كله، وفتح الباب ورماها في الشارع".

وأعلنت عن إطلاق مبادرة جديدة لخدمة كبار السن، موضحة: "إن شاء الله الأسبوع ده هعلن عن حملة كبيرة قوي خاصة بدور المسنين. خدمة المجتمع".

أوضاع الإنتاج الدرامي

وفي سياق آخر، تطرقت إلى أوضاع الإنتاج الدرامي في الوقت الحالي، مؤكدة أن الميزانيات أصبحت مرتفعة بصورة كبيرة، وقالت: "الميزانية بقت كبيرة جدا. أكبر ميزانية عملتها من 13 سنة كانت 10 مليون جنيه وكنا بنكتب شيكات بمليون كضمان".

وأضافت: "دلوقتي لو الورق كويس، والمنتج سمعته كويسة، والمخرجين كبار زي هاني خليفة ومحمد عبد العزيز وإبراهيم الشقنقيري، ممكن الأجر يقل والدور يكون مناسب".