نهلة عامر: الزواجة الثانية فخ بيتنصب للراجل عشان كده بقول إنه ضحية

قالت الإعلامية نهلة عامر إن بعض الرجال يقبلون على الزواج الثاني اعتقادا منهم أنه سيجدد حياتهم، مؤكدة: «الراجل لما بيجي يدخل على جوازة تانية، وهو متجوز الأولى ومخلف منها، بيبقى فاكر إنه هيجدد حياته ويعيش سنه ويصغر، لكن ده أكبر فخ بيتنصب له، وعشان كده بقول إنه بيبقى ضحية».

الراجل اللي بيتجوز اتنين بيقع في الفخ

وأضافت خلال برنامج “خط أحمر” عى قناة “الحدث اليوم”: «الست التانية في الأول ممكن تقوله: لا ما تخلفيش يا حبيبتي، تقول له حاضر يا حبيبي، أنا مش محتاجة أخلف منك، لكن أول ما رجله تقع في الخية ويتجوز ويخلف، تبقى زيها زي الأولى، وساعتها يكون هو اللي وقع».

وتابعت: «أنت عملت إيه؟ وقعت، وبقى مع احترامي لحضرتك خلاص غاوي كده، ولما يروح للتالتة يبقى دخل مرحلة الجنون».

الشيخ إبراهيم سليم يروي موقفا لشخص عايز يتجوز على مراته

ومن جانبها، روى الشيخ إبراهيم سليم رئيس صندوق المأذونين، موقفا قائلا: «جالي واحد عايز يتجوز على مراته، قلت له اديني عنوانها واسمها عشان أخطرها، رفض، وبعدها بثواني لقيته دخل علي باتنين من زوجاته، وقال لي بلغهم، ومضاهم بالعلم إنه هيتجوز عليهم».

وأكد أن التعدد مباح شرعا إذا التزم الرجل بحقوق الزوجات، موضحة: «لو هيتعدد ومش هيظلم، وهيبقى فيه مساواة، وحق نفقة، وحق سكن، وحق مبيت، وكل ده، اتجوز، معاك رخصتك وربنا أداها لك، وإحنا مش مختلفين على ده».

وتابع: «أنا من الأساس كنت مؤيد الفكرة، لكن المشاكل اللي بشوفها دلوقتي خلتني أغير رأيي، لأن التعدد في حالات كثيرة بيدمر نفسيا، والزوجة الثانية غالبا بتكون عايزة استقرار نفسي».

وأضاف: «الشباب الجديد والجيل الجديد بقى واعي جدا، وبقى فاهم ومركز وعارف مين اللي هيشاركه في الزيجة وبيختارها إزاي».