بعد القبض على الأب.. أول تعليق من شقيقته بشأن واقعة إلقاء طفله في البدرشين

ألقت الأجهزة الأمنية القبض على الأب الذي ظهر في مقطع فيديو متداول وهو يلقي نجله على الأرض بطريقة عنيفة بمنطقة البدرشين، في واقعة أثارت تفاعلا واسعا على مواقع التواصل الاجتماعي، فيما خرجت شقيقة الأب بأول تعليق لها، روت خلاله تفاصيل قالت إنها سبقت الواقعة.

مراته دي متجوزة برا البلد 

وقالت شقيقة الأب: «اللي حصل باختصار إن مراته دي متجوزة برا البلد وسابتله الـ3 عيال ولدين وبنت».

وأضافت: «أصغر حد كان عمره 3 شهور، وأمي مريضة كانسر وسكر وهي اللي بتربيهم وعندها 70 سنين، اتحايلنا على أمهم تاخد العيال وتربيهم بس رفضت وقالت لا هتجوز ورمت الـ3 عيال».

سيبنالها العيال وقولنالها هتاخدي فلوس كل شهر 5 آلاف

وأردفت: «سيبنالها العيال وقولنالها هتاخدي فلوس كل شهر 5 آلاف جنيه ورفضت بكل الطرق.. الناس كلها شاهدة عليها، خدت العيال سلمتهم في المركز واتصلوا علينا، روحنا جبناهم أبويا وأبوهم بمحضر ومتسجل في قسم البدرشين».

وأضافت: «هي متجوزة برا البلد بتيجي مرة كل شهر أو شهرين، كل ما تيجي إن لقيت عيل في الشارع تخطفه ومتقولناش ونقعد نلف عليه في كل الدنيا لدرجة إننا ممكن نروح المركز ونبلغ».

شتمته وهي بتشد منه راح حادف الواد

واستكملت: «أمها اللي كانت بتقول الواد عندي، تعالوا خدوه، احنا مش عايزين عيال حد».

وروت تفاصيل الساعات التي سبقت الواقعة قائلة: «أبوه قعد يلف عليه طول النهار أكتر من 3 ساعات، وتوقع إنه هناك، وراح قالها مش بتقولي ليه لما تاخديه، راحت شتمته وهي بتشد منه، راح حادف الواد».

القبض على الأب

واختتمت حديثها بقولها: «الولد زي الفل ومفيش حاجة وربنا سترها معاه، والحكومة خدته هو والولد عشان الطب الشرعي يكشف عليه».