زيكو بنبرة قهر: أشكر الرئيس السيسي.. واللي حصل معانا عمره ما يتنسي

حرص مصطفى زيكو، مهاجم منتخب مصر، على توجيه رسالة للجماهير المصرية بعد الخروج المشرف للفراعنة من منافسات كأس العالم 2026.

وكتب مصطفى زيكو من خلال حسابه الرسمي على منصة السوشيال ميديا:" الحمدلله على كل حاجة وصلنالها يمكن المشوار وقف هنا، لكن اللي حصل عمره ما هيتنسي، في البداية أحب أشكر سيادة الرئيس على دعمه واهتمامه بينا، وأشكر شعب مصر العظيم على وقفته معانا وجمهورنا الي كان مالي الاستاد من أول يوم لآخر لحظة".

وأضاف مهاجم منتخب مصر في رسالته :"  دعمكم وثقتكم كانوا أكبر دافع لينا، وكنا بنحارب في كل ماتش عشان نفرحكم، وفخور جدًا إني كنت جزء من البعثة دي، وفخور بكل راجل تعب وحارب وضحى، سواء لاعب، جهاز فني، جهاز طبي، إداري،سوشيال ميديا أو أي حد كان موجود معانا، كل واحد كان ليه دور".

وأختتم مصطفى زيكو رسالته بعد الوداع من كأس العالم:" كل واحد أدى اللي عليه بكل إخلاص، والحمدلله إن ربنا كرمنا ووصلنا لمكان يفرح كل مصري، حتى لو كان نفسنا نكمل المشوار أكتر، ووعد منا دي مش النهاية، دي بداية لحلم أكبر هنشتغل أكتر، وهنتعلم من كل تجربة، وإن شاء الله اللي وقفنا عنده النهاردة هنبني عليه، ونرجع نفرح مصر بإنجازات أكبر".