هالة صدقي: التمثيل مهنة مش دائمة.. وعندي مشروع تاني وببيع بصل

كشفت الفنانة هالة صدقي، عن افتتاحها لمشروع خاص بها وهو مطعم، مضيفة: «لو مكنتش عمت ده كنت هضطر أقبل أي أدوار تتعرض عليا علشان ده مصدر رزقي الوحيد لكن أنا عملت مشروع علشان يكون عندي مصدر رزق لأن أنا بختار ومش كل الأدوار بتعجبني».

مش عايزة المشروع ده يسرقني من التمثيل

وأضافت هالة صدقي خلال استضافته في برنامج «ضيفي» مع الإعلامي معتز الدمرداش، المذاع عبر شاشة الشرق، أنها في بداية افتتاح المشروع كانت مهتمة به للغاية، لكنها في الوقت الحالي تركت إدارة المشروع لمتخصص، وذلك بسبب انشغالها في التمثيل، قائلة: «مش عايزة المشروع ده يسرقني من التمثيل».

هالة صدقي الممثلة وهالة صدقي الإنسانة والأم

وخلال الحلقة تطرقت الفنانة هالة صدقي، للحديث عن شخيصتها بعيدا عن التمثيل، قائلة: «أنا شخصيتي في التمثيل مش هي نفسها اللي موجودة في البيت، هالة صدقي الممثلة دي بتفرج عليها معاكم على التلفزيون.. لكن هالة صدقي الإنسانية لسا زي ما هي بشخصيتها القديمة بتنزل تنقي بصل وعادية جدا زي اي أم».

زراعة البصل والمانجو

وتابعت الفنانة هالة صدقي: «أنا ببيع بصل وزرعت الأيام اللي فاتت بصل ولما المزراعين محدش فيهم راح المزرعة نزلت بفسي لميت البصل من الأرض.. مفيش حاجة غلط ومعنديش مشكلة عمر الشغل ما كان عيب العيب إنك تحتاج.. وفي مانجو كمان وبلح».

وفي سياق أخر، كشفت الفنانة هالة صدقي، أنها حرصت على الرغم الظروف التي تمر بها على حضور مهرجان الجونة في دورته الثامنة، لأنها تعتبر أن هذا التزام فني وأدبي وواجبها الفني.

مقدرش أغيب عن شغلي

وقالت هالة صدقي في لقاء مع الإعلامية بوسي شلبي على هامش حفل افتتاح المهرجان: “في بعض الناس اللي معندهاش ثقافة ووعي بتعتبر أن المهرجان فسحة وسهرة ولو لبستي حلو يبقى رايحة تسهري وحاجة تافهة، ولو لبستي وحش يبقى مش مدياه قيمته، وبقول للناس المهرجان ده شغل ومن قلب صميم شغلي وأنا مقدرش أغيب عن شغلي”.