تامر أمين عن افتتاح الأوكتاجون: مصر عملت إنجاز يشهد له العالم

علق الإعلامي تامر أمين على حدث افتتاح مقر القيادة الاستراتيجية في العاصمة الجديدة، قائلا: «مصر عملت عظمة امبارح والعالم كله شافه ووقف احترام وضرب تعظيم سلام، كل دا على الأوكتاجون المصري، المبنى الثماني الأضلاع». 

الأوكتاجون يقولك إن احنا في جمهورية جديدة 

وأضاف، خلال تقديم برنامجه «آخر النهار»، المذاع على قناة «النهار»: «اللي شوفناه في الأوكتاجون امبارح يقولك إن احنا في جمهورية جديدة بجد، وإن انت في بلد جديدة بجد، وإنها مش بلد ماشية والسلام، مش بلد يدوبك بتعمل حالة تسيير أعمال». 

إنجاز الدولة المصرية

وتابع: «أولا مجرد إننا حافظنا على إننا بلد دا في حد ذاته إنجاز بعد اللي حصل فينا في 2011 و2013 وكل الإرهاب ومؤامرات عالمية ورابعة، مجرد أن تبقى على قيد الحياة وأن تحافظ على وطن مستقر له سيادة وحدود مستقرة دا في حد ذاته إنجاز، لو مش مصدقيني شوفوا الباقي حصل فيه اي». 

الدولة كانت تخطط وتعمل في صمت

واختتم: «الكل توقع إن بعد ما دا حصل يدوبك هتقدر تمشي نفسك وتأكل الناس وتشربهم وتشوف أزمة الغاز والدولار والكهرباء والتموين والسلع وتبتدي بقى تسد مشاكل وثغرات طول مانت ماشي ودمتم، هكذا كانوا يظنون وهكذا كان بعضنا يظن، لكن الحقيقة أن الرئيس السيسي والدولة المصرية كانت تخطط وتعمل في صمت، لإن مهمتنا الحفاظ على البلد وحمايتها وتقوية الولد والبلد». 

في وقت سابق، قال الإعلامي تامر أمين، إن ما يحدث في أوروبا بسبب موجة الحر الشديدة يثير حالة من الدهشة، قائلاً: "بس إحنا بنسيح معنويا بنقول يعني أبيض ده درجة حرارة، بس الحقيقة إن الأخبار اللي جت لنا إنه أوروبا بتسيح فعليا مش معنويا، موجة الحر الشديدة اللي بتضرب القارة الأوروبية وتحديدا فرنسا أكتر بلد بتعاني، أنا مش فاهمها، هتقولوا لي يعني إيه مش فاهمها؟ أقول لكم مش فاهمها، لما أقول لك إنه الأخبار بتجي لنا إن في 1000 شخص، 1000 شخص في فرنسا خصوصا من كبار السن والعجائز توفوا بسبب موجة الحر الشديدة، مش عيوا، مش جالهم ضربة شمس، وفاة نتيجة موجة الحر الشديدة".