طه دسوقي يشيد بـ حسام حسن: "دي دماغ لعيب بيحقق حلمه كمدرب"
بعد تأهل المنتخب المصري إلي الدور ال16 في بطولة كأس العالم 2026، أشاد الفنان طه دسوقي بحرفية العميد حسام حسن المدير الفني للمنتخب، وذلك من خلال منشور عبر حسابه الرسمي على موقع التواصل الإجتماعي فيسبوك.
طه دسوقي يشيد بـ حسام حسن
حيث قال طه دسوقي: “حسام حسن مش المدرب الخواجة أبو بدلة وكاريزما ولما بيفرح بيطرقع بصوابعه، حسام حسن لعيب معاهم بس واقف عالخط بره عايز يلعب لدرجة ان لما كوره بتعلى بينط مع اللعيبة يجيبها بهيده بيدرب بدماغ لعيب بيحقق حلمه اللي كان نفسه يحققه وهو لاعب فعلا بس بيحققه دلوقتي كمدرب، فاهم اللعيبة وفاهم كورة وفرحان نفس فرحتنا ربنا يكملها على خير ونفرح اكتر”.
حلم طه دسوقي وزوجته
في سياق آخر، قد خرج الفنان طه دسوقي ليتوجه برسالة خاصة جدًا لزوجته، خاصة بعدمتا ساندته لتحقيق أحلامهما سويًا، وذلك من خلال منشور عبر حسابه الرسمي على موقع تبادل الصور والفيديوهات إنستجرام.
وقال طه دسوقي معلقًا: “من ٧ سنين بالظبط يوم ٢٢/٤/٢٠١٩ قعدت معاكي في كافية وقعدنا نشغبط في ورقة كده وقولتلك على حلم عندي مكانش منطقي حتى ليا وانا بقوله ساعتها وانتي من ساعتها ولحد النهاردة بتقوليلي أنه سهل يحصل، و دلوقتي بعد ٧ سنين بنحققه مع بعض وانتي عند وعدك وعند كلامك انه هييجي يوم ويحصل، شكرا أنك ولا مرة حسستيني أن اللي أنا بحلم بيه صعب شكرا انك دايما مقوياني وواقفة في ضهري ومصدقاني حتى لو كل الدنيا مخوفاني من اللي في دماغي بتبقي انتي اكتر واحدة واقفة معايا، شكرا أن عمرك ما استخسرتي فيا معلومة او مساعدة، فخور بيكي وبتعلم من إخلاصك وصدقك وفخور أني بشتغل معاكي، شكرا على كونك شريكتي وزوجتي وصديقتي وشكرا في كل ده على كونك انتي، ربنا يديمك عليا نعمة ويحفظك ويحلي ايامك ولياليكي”.
أولى تجاربه في الاستاند أب كوميدي
وقد أعلن الفنان طه دسوقي، عن خوضة تجربة جديدة حيثُ سيقدم أولى تجاربه في ستاند أب كوميدي بمفرده، تحت عنوان "أنا زي الفل.. مالي؟"، ونشر طه دسوقي، بوستر الحفل، عبر حسابه الرسمي على موقع تبادل الصور والفيديوهات الشهير "إنستجرام"، علق عليه قائلًا: "فضوا نفسكم عشان عايزكم في موضوع، أنا هقول كل حاجة".
وأضاف طه دسوقي، قائلًا: "استغرق مني الأمر 13 عامًا لأبتكر هذه الساعة الواحدة، وأود مشاركتها معكم".
