سعد الصغير: إحنا ممكن ناخد كأس العالم بدعوات المصريين
علق الفنان سعد الصغير على فوز المنتخب المصري أمس في مباراته مع المنتخب الأسترالي خلال كأس العالم 2026، قائلا: « أنا كنت في فرح وكلنا وكل الفرقة بالعروسة والعريس نزلنا تحت اتفرجنا إحنا ممكن ناخد كأس العالم بدعوات المصريين ».
وأضاف الفنان سعد الصغير، خلال لقائه عبر برنامج «كلام الناس» مع ياسمين عز المذاع على قناة إم بي سي مصر، «بقول لكل الناس الحاقدين على حسام حسن بلاش وملوش لازمة انت مصري وبعدين اي أهلي وزمالك إحنا كلنا منتخب واحد».
وتابع الفنان سعد الصغير: «بعد فوز مصر إمبارح اللي كان عليه أقساط ولا متخانق مع مراته نسي كل حاجه وصالح مراته».
وفي سياق آخر، علقت الإعلامية ياسمين عز على السخرية من اللاعب محمد هاني بعد ما جاب جول في نفسه، قائلة: «خلصتوا كل إيفهاتكم على محمد هاني يا جماعة؟، قولتوا إنه جاب جول فينا، أحب اقولكم إنها إيفيهات مبتضحكش دمها تقيل».
محمد هاني من أفضل 5 لاعيبة
وخلال تقديمها برنامج «كلام الناس» على قناة MBC مصر، أضافت: «لو هنقول الحق محمد هاني من أفضل 5 لاعيبة في كأس العالم، عمل كل اللي عليه في الملعب، يمين وشمال، وعادي جدا إن حظه متوفقش المرادي هو محسود عادي كلنا بنتحسد اي المشكلة بتحصل».
خلينا نفرح الراجل في مهمة وطنية
وتابعت: «اي المشكلة لما بالغلط جاب جون في نفسه ونكسب، والله يا كابتن هاني لو كل مرة هتجيب جون في نفسك ونكسب يبقى هات وميهمكش، مش كسبنا؟ خلال مننكدش بقى على الراجل وعلى نفسنا، انت مكانه في الملعب؟، يا حماعة عليه ضغط عالي ممكن عينه زغللت أو ضغوطات والكورة حطها جوه بالغلط، عيب يا جماعة خلينا نفرح الراجل في مهمة وطنية عيب نحترم ذاتنا».
وقالت الإعلامية ياسمين عز بعد فوز منتخب مصر على أستراليا: «الرجالة كائنات غلبانة جدا والله ومتعاطفة معاكم طول الوقت بشوفكم ملاك على الأرض.. بس انتو بتفرحوا من قبلكم اوي.. احنا كبنات مش بنفرح الفرحة دي.. امبارح كنت فرحانة لمصر وفرحانة من بعد مصر للرجالة.. انتو نسيتوا نفسكم وأشغالكم وتعبكم».
