«مش قلة ذوق ده قوة إيمان»..أوس أوس: ليه لو حد ضحك في عزاء بننتقده؟
علق الفنان محمد أسامة الشهير بـ أوس أوس، على الانتقادات الهجومية التي تواجه الفنانين، وأيضا الأشخصا العاديين، على مواقع التواصل الاجتماعي، قائلا: «الانتقادات بتكون قوية زيادة عن اللازم لدرجة إنها ممكن تدبح الناس وأنا ضد ده».
وأضاف، خلال استضافته في بودكاست «ابن كارك» مع الإعلامي كريم خطاب، أن مواقع التواصل الاجتماعي سبب رئيسي لهذه الانتقادات، قائلا: «السوشيال ميديا سبب كبير في الانتتقادات دي.. كل شيئ في الدنيا ليه عيوب زي ما ليه مميزات، وأهم مميزات السوشيال ميديا هي الصفحة الرسمية لوزارة الداخلية يعني كل واحد حاليا معاه سلاح في ايده».
وتابع أوس أوس:«الانتقادات اللي بتكون موجودة بسبب اللي بيصوروا الناس غريبة جدا.. يعني مثلا ليه لو حد ضحك في عزاء بننتقده.. اصلا لو الشخص عنده إيمان قوي بربنا هيضحك في العزاء عادي».
وخلال حديثه تطرق أوس أوس للانتقادات التي وجهت للفنان الشاب أحمد رمزي وكزبرة، بعد مشاركتهم في السباق الرمضاني العام الماضي، قائلا: «الناس دي أكيد ليهم جمهور مش صح ندبحهم بالمنظر ده.. عادي جدا إنك تكون مش من جمهورهم بس مش لازم الانتقادات دي بالمنظر ده».
وأردف أوس أوس: «أنا مش ضد الانتقادات لكن يكون في سبب.. لكن في ناس بتكون بتنتقد لمجرد الانتقاد هي مش عايزة حاجة ومفيش سبب».
وخلال اللقاء، كشف الفنان محمد أسامة «أوس أوس»، عن تفاصيل بدايته في التمثيل، لافتا إلى أن انطلاقته الحقيقية بدأت من مركز الإبداع تحت إشراف المخرج المسرحي الكبير خالد جلال.
من مركز الإبداع إلى تياترو مصر
وأضاف، أن الفنان الكبير أشرف عبدالباقي اختار فريق تياترو مصر من مركز الإبداع، بالإضافة إلى مسرح جامعة عين شمس.
التذاكر تنفذ قبل بداية الموسم بشهر
وتابع الفنان محمد أسامة: «أول ما أستاذ أشرف قالنا إننا هنعمل مسرح قولنا مسرح تاني بقا إحنا نفسنا نعمل أفلام ومسلسلات، لكن بعد كدا ركزنا أكتر في المشروع.. وأول موسمين مكانش في عائد مادي، لكن في ثالث موسم التذاكر خلصت قبل ما نبدأ بشهر».
واختتم حديثه بتعبير عن سعادته بمشروع مسرح مصر وتياترو مصر، الذي كان يعد أول خطوة جعلت الجمهور يعرف من هو محمد أسامة.
