حلمي عبدالباقي يكشف عن انتحال صفحة لشخصية شقيقه : بيشتم الناس
كشف الفنان حلمي عبدالباقي، عن انتحال صفحة بعنوان "دودي محروس" لشخصية شقيقه، حسبما أعلن عبر حسابه الشخصي على فيسبوك.
وكتب حلمي : "ياجماعة فيه صفحة اسمها دودي محروس، بيتكلم على إنه أخويا، وللعلم انه لايمت لي بصلة ولا أسمح لأي حد، إنه يشتم أو يعيب في أي حد باسمي او اسم أخويا، لأني أكبر من كل ده، لأننا أتربينا على احترام الجميع مهما كانت المشاكل وهذا للعلم والله على ما أقول شهيد".
وفي سياق آخر، كان قد نشر حلمي عبدالباقي، منذ أيام قليلة فيديو على صفحته يرد فيه على نقابة المهن الموسيقية ونقيببها وبعض أعضائها، على خلفية الاتهامات الموجهة له من قبل النقيب وشطبه من النقابة.
وقال حلمي: “لا يحيق المكر السيء إلا بأهله، ومكنتش عاوزى اتكلم ولا اعلق، لكن لو ما اتكلمتش هيتقال إني بخاف، والحمد لله لا بخاف ولا بتهدد ولا على راسي بطحة، الفيديو بتاعي موجود على صفحتي ماشلتوش ولا هشيله”.
وأضاف: “لا اتكلمت على المجلس ولا اسأت له، في الآخر، تحس اللي بيحصل خطة محبوكة، كله مرة واحدة بيهاجمني ونفس الاتهام والكلام، لو عندكم مستندات ليه محدش قدمها في التحقيق ليه، ليه ما حدش اداني، لو عليا ربع مستند كنتم علقتوني في السقف، تهمتي تهمة شرف، الكلام ده قلته قبل كد.. أنا ساهمت في علاح ناس غير قادرين، ودي تهمة مشرفة”.
وتابع: “مفيش حد في النقابة عمره خلال فترة وجودي هناك عمر ما حد مسك عليا حاجة.. أنا ماليش في الحاجات دي، وكل واحد تاريخه معروف ومش بيتزور".
