صيدلانية تفتح النار على من يمارسون المهنة دون اختصاص: «المساعد يساعد.. مش يلعب بأرواح الناس»

أثارت الدكتورة أماني بدوي، الصيدلانية، حالة من الجدل بعد نشرها منشورًا عبر حسابها على موقع فيس بوك، عبّرت فيه عن رفضها الشديد لما وصفته بتطاول بعض العاملين كمساعدين داخل الصيدليات على الصيادلة، مؤكدة أن لكل مهنة أهلها والمتخصصين فيها.

وقالت أماني بدوي إن الظروف الاقتصادية الصعبة قد تدفع البعض للعمل في مجالات مختلفة، مؤكدة تفهمها لذلك، لكنها شددت على أن هذا لا يبرر التقليل من شأن أصحاب المهنة أو الإساءة إليهم، خاصة الصيادلة حديثي التخرج.

وأضافت: «إللي مش عارف يشتغل بشهادته يا جماعة، ومضطر يشتغل مساعد في صيدلية، يشتغل باحترامه من غير تطاول على أصحاب المهنة نفسهم، أنا مقدرة إن الظروف الاقتصادية صعبة على الكل، لكن عمري ما هقدر السفالة في الردود ولا عقد النقص اللي بتطلعوها على الصيادلة الصغيرين!».

تابعت: «لكن هتيجي تشوف نفسك عليهم، وتقعد تردد جملة أصل المساعد أبو خبرة 100 سنة ضوئية أشطر من الصيدلي حديث التخرج مش هسكت وقتها للأسف، عاوز تشتغل مساعد، تساعد وترص الطلبيات وتناول الصيدلي اللي معاك الأدوية، وليك مننا وقتها كل الاحترام والتقدير».

اختتمت: «لكن هتتطاول وتطلع عقد نقصك عليهم، وتشوف نفسك، وعاوز تصرف روشتات وتفتي في الأدوية وتستقبل المرضى وتلعب بأرواحهم، فوقتها هنبلغ عنك، لأن كده بقى اسمك دخيل».