محمد حماقي باكيا : أنا مفتقد والدي جدا ومكنش في حد زيه | فيديو
تحدث الفنان محمد حماقي عن والده خلال لقائه مع "بيلبورد عربية " وتأثر بشدة أثناء حديثه عن والده الراحل ، حيث بكى وهو يستعيد ذكرياتهم سويا ، مشيرا أنه مفتقد والده كثيرا وأن غيابه لا يزال يترك أثر كبير في حياته حتى الآن ، كما أكد أنه لديه الثقة بسبب والده .
بكاء محمد حماقي على والده
وقال محمد حماقي في لقائه مع بيلبورد عربية : أبويا شهادتي فيه مجروحة لأن كل واحد بيشوف أبوه أعظم حد ولكن حتى شهادة الناس اللي اتعاملت معاه إنه إنسان مش عادي وكان طيب وحنين وذكي جدا حتى في تربيتنا ومفتكرش مرة إني زعلت منه، حتى لما بكون غلطان وبيعاقبني عقابه مكنش بيزعجني ، كان بيختار طريقة تخليني أتعلم، ومفتكرش إني في يوم حسيت إن أبويا كان قاسي عليا .
وأضاف: كنت بحس دايما إنه خايف عليا وبيفكر في مصلحتي، لكنه عمره ما فرض سلطته عليا بشكل يخوفني، وكان متفاهم جدا وبيسمعني كويس جدًا، حتى وأنا صغير، ولو اتكلمت في حاجة بسيطة كان بيهتم بيها وكأنها مهمة جدا ، وأنا لو واثق من نفسي ف ابويا هو السبب ، أنا مفتقد والدي جدا .
وفي سياق آخر ، كشف المطرب محمد حماقي عن حقيقة انزعاجه من رد فعل الجمهور على أغنيته الجديدة بحرية التي طرحت منذ أسابيع قليلة بالتعاون مع النجمة شيرين عبدالوهاب .
وقال محمد حماقي في تصريحاته مع برنامج "ET بالعربي" : لم انزعج من حالة الدهشة التي صاحبت استقبال الأغنية وما قلقتش خالص من التهنيجة اللي حصلت، لأن لو من أول دقيقة الناس عارفينها يبقى أنا مقدمتش حاجة جديدة".
وأضاف أن شعور الدهشة أمر طبيعي عندما يستمع الجمهور إلى عمل غير متوقع، قائلًا: التهنيجة دي بتيجي لما بتسمعي حاجة انتي مش متوقعة تسمعيها .
