المتهم بمحاولة خطف طفلة الشروق أمام النيابة: بقالي 4 شهور مش مدرك
حصل موقع" نيوز رووم" على نص أقوال المتهم بمحاولة خطف طفلة رضيعة من يد والدتها أثناء سيرها بأحد الشوارع بمنطقة الشروق، خلال تحقيقات النيابة العامة بالقاهرة الجديدة.
وكشفت أقوال المتهم أمام جهات التحقيق عن تفاصيل جديدة في القضية، إذ أكد أنه يعاني منذ نحو 4 أشهر من نوبات يفقد خلالها الإدراك والسيطرة على أفعاله، مدعيًا أن تلك الحالة كانت السبب وراء ارتكابه الواقعة.
وجاء نص التحقيقات:
س: ما الذي حدث إذن وما هي ظروف ضبطك وإحضارك وعرضت علينا؟
ج: اللي حصل إن من أربع شهور بيحصل حاجات وأنا مش مدرك إني بعملها، وبفوق بعد لما الحاجة بتخلص، ومش بكون مصدق إن الحاجة دي حصلت فعلًا، وأهلي قالولي إني بعمل حاجات.
س: أين كنت وقت وقوع القبض عليك؟
ج: أنا كنت في البيت واللي فاكره بعدها منظر البيت اللي عندها 13 سنة وهي متنثرة بنزين من ورا وإن واحد بيقول لي يا ض ومفهمتش اللي بيحصل وجريت، وبعدها مش فاكر إيه اللي حصل، غير إني لقيت داخل على واحدة ست وبعتدي عليها، مكنتش عارف أسيطر على نفسي، وحاطط إيدي على بوقها، وأنا فاكر إن كان معاها طفل على جرار، والناس ساعتها لمّوها وأنا ساعتها خفت وجريت، وبعدها بفترة مش فاكر قد إيه الشرطة جت ومسكتني.
س: متى وأين حدثت الواقعة؟
ج: كانت بعد الظهر تقريبًا قدام كنيسة مش عارف اسمها في الشروق، والواقعة التانية كانت بليل مش فاكر فين بالظبط.
س: من كان برفقتك آنذاك؟
ج: كنت لوحدي.
س: ما سبب تواجدك في المكان والزمان سالفي الذكر؟
ج: مش فاكر، أنا لقيت نفسي مرة واحدة هناك.
س: ما هي حالتك الاجتماعية؟
ج: أنا اتجوزت عرفي وطلقتها بعدها بشهور.
س: ما هي حالتك الصحية والنفسية؟
ج: حالتي الصحية كويسة، والنفسية عندي فيها مشاكل، بكلم نفسي وبعمل حاجات مش ببقى فاكر إني عملتها ولا عارف إزاي عملتها.
س: هل قمت بالذهاب إلى ثمة منشأة طبية نفسية لتوقيع الكشف الطبي عليك؟
ج: أيوه، أخويا وداني كذا مرة.
س: وما هو تشخيص الطبيب النفسي لحالتك آنذاك؟
ج: قال لي أنا عندي انفصام.
س: هل قمت بالمتابعة والسير في خطة علاجه؟
ج: لا.
س: هل قام سالف الذكر بتفتيشك؟
ج: أيوه.
س: وما الذي نتج عنه ذلك التفتيش؟
ج: لقوا معايا الكمامة السودة وموبايل ونظارتي و250 جنيه.
س: وما صلتك بالأحراز السابق عرضها عليك؟
ج: معرفش حاجة عنهم غير الكمامة بس بتاعتي.
س: ما قولك فيما ورد بمحضر الضبط المؤرخ؟
ج: اللي حصل أنا قولت عليه في النيابة.
س: ما تعليقك إذن لما سطره سالف الذكر؟
ج: معرفش.
س: هل توجد بينك وبين سالف الذكر سابق معرفة أو خلافات؟
ج: لا معرفوش.
س: هل توجد بينك وبين المجني عليهما سابق معرفة أو خلافات؟
ج: لا معرفهمش.
س: ما قولك بقيام المجني عليهما بالتعرف عليك أثناء العرض القانوني وأنك القائم بواقعة التعدي عليهما؟
ج: الأول اللي فاكره إن البنت ضهرها كان عليه بنزين وأنا كنت واقف قدامها، والتانية أنا فعلًا اتعديت عليها بس أنا مكنتش متحكم في نفسي.
س: ما قولك فيما جاء بأقوال كل من: شاهنده حسين عطوة حسين – حسين عطوة حسين محمد – إسراء نبيل عبد الرازق بتحقيقات النيابة العامة (لتلاوته عليه)؟
ج: اللي حصل أنا قولت عليه
س: هل يوجد بك ثمة إصابات؟
ج: لا مفيش حاجة فيا.
