«مش بس ذكرى وطن».. سهير جودة تروي حكاية شخصية مرتبطة بتاريخي 30 يونيو و3 يوليو
حرصت الإعلامية سهير جودة على الاحتفال بذكرى ثورة 30 يونيو، بالتزامن مع احتفالها بعيد ميلادها، من خلال رسالة مؤثرة نشرتها عبر حسابها الرسمي على موقع إنستجرام.
وقالت سهير جودة إن هناك أياما في تاريخ الأوطان تغيّر مجرى الأحداث، وأيامًا أخرى تغيّر إحساس الشعوب بأوطانها، مؤكدة أن يوم 30 يونيو كان واحدًا من تلك الأيام التي أصبحت جزءًا من ذاكرة مصر، مهما تعاقبت السنوات والأجيال.
وأضافت: في تاريخ أي وطن، فيه أيام بتغيّر مجرى الأحداث، وأيام بتغيّر إحساس الناس ببلدها و30 يونيو كان واحد من الأيام دي، يوم بقى جزء من ذاكرة مصر، مهما اختلفت السنوات، ومهما تعاقبت الأجيال».
تابعت: «كل سنة ومصر بخير، وربنا يديم عليها نعمة الأمان، ويحفظ وجوه ناسها، ويكتب لها دايمًا أيام تليق بتاريخها، وبالنسبة لي 30 يونيو مش بس ذكرى وطن، ده اليوم اللي بدأت فيه حكايتي مع الحياة، وعلشان كده، كل سنة وأنا باحتفل بعيد ميلادي، بحس إن الفرحة أكبر من مناسبة شخصية بحس إن التاريخ نفسه له مكانة مختلفة في قلبي لأن حياتي بدأت في يوم له مكانته في تاريخ بلدي».
استكملت: «ويمكن أجمل مفارقة، إن شهادة ميلادي مكتوب فيها 3 يوليو تاريخ تاني بقى جزءًا من ذاكرة مصر، أوقات القدر بيكتب تفاصيل صغيرة، لكنها تفضل طول العمر تقول لنا إن بعض الحكايات ما بتكونش صدفة، الحمد لله على العمر، والحمد لله على الوطن وكل سنة ومصر في خير».
